മ്യൂണിക്: ബാഴ്‌സലോണയില്‍നിന്ന് ലോണില്‍ ബയേണ്‍ മ്യൂണിക്കിലേക്ക് പോയ ബ്രസീലിയന്‍ താരം ഫിലിപ് കുട്ടീഞ്ഞോയെ മ്യൂണിക്കിലെ അലയന്‍സ് അരീനയില്‍ അവതരിപ്പിച്ചു. ബയേണ്‍ മ്യൂണിക്കില്‍ ഡച്ച് താരം ആര്യന്‍ റോബന്‍ ധരിച്ചിരുന്ന പത്താം നമ്പര്‍ ജഴ്‌സിയായിരിക്കും കുട്ടീഞ്ഞോ ധരിക്കുക.
റോബന്റെ അനുവാദം ചോദിച്ചതിന് ശേഷമാണ് പത്താം നമ്പര്‍ കുട്ടീഞ്ഞോക്ക് നല്‍കാന്‍ തീരുമാനിച്ചതെന്നും ബയേണ്‍ സി.ഇ.ഒ റെമെനിഗെ പറഞ്ഞു. ബയേണിന്റെ ഇതിഹാസ താരങ്ങളായ റോബന്റെയും റിബറിയുടേയും പത്താം നമ്പറും ഏഴാം നമ്പറും മറ്റാര്‍ക്കും നല്‍കേണ്ടതില്ല എന്ന തീരുമാനമായിരുന്നു ക്ലബ് എടുത്തിരുന്നത്. എന്നാല്‍ തന്റെ പത്താം നമ്പറിന് അനുയോജ്യനായ താരമാണ് കുട്ടീഞ്ഞോ എന്ന് റോബന്‍ പറഞ്ഞതായും അദ്ദേഹം കൂട്ടിച്ചേര്‍ത്തു. 8.5 മില്യന്‍ യൂറോക്ക് ഒരു വര്‍ഷത്തെ ലോണിലാണ് കുട്ടീഞ്ഞോ ബയേണിലെത്തിയിട്ടുള്ളത്.