മനാമ: കോഴിക്കോട് ജില്ലാ പ്രവാസി ഫോറം (കെ.പി. എഫ്) പ്രവര്‍ത്തകര്‍ ബഹ്‌റൈന്‍ അംഗങ്ങളില്‍ നിന്നും സമാഹരിച്ച തുക ഉപയോഗിച്ച് കോഴിക്കോട് ജില്ലയിലെ പ്രളയ പ്രദേശങ്ങളില്‍ ഒന്നരലക്ഷത്തിലധികം രൂപയുടെ ദുരിതാശ്വാസ പ്രവര്‍ത്തനങ്ങള്‍ നടത്തി.

കെ. പി. എഫ് ഭാരവാഹികളായ സുധീര്‍ തിരുനിലത്ത്, വേണു വടകര, സവിനേഷ്, ഹരീഷ്, അഷ്‌റഫ് , ജോണി താമരശ്ശേരി എന്നിവരുടെ നേതൃത്വത്തില്‍ ഭക്ഷണ സാധനങ്ങളും, പുതപ്പ്, വസ്ത്രം തുടങ്ങിയ അവശ്യ സാധനങ്ങള്‍ വടകര, പയ്യോളി, മണിയൂര്‍, ഇടിഞകടവ് കുറ്റ്യാടി, കീഴൂര്‍, തിക്കോടി, കൊയിലാണ്ടി, പുതുപ്പാടി പഞ്ചായത്തിലെ ഉരുള്‍ പൊട്ടല്‍ സംഭവിച്ച വിവിധ ഭാഗങ്ങളിലെ വീടുകളിലും, അതുപോലെ കോഴിക്കോട് ടൗണിലെ പുതിയപാലം പരിസരത്തുള്ള ദുരിതാശ്വാസ ക്യാമ്പുകളിലും വീടുകളിലും നേരിട്ടു എത്തിക്കുകയായിരുന്നു.