അബൂദാബി: കേരളത്തില്‍ പ്രളയത്തിലും ഉരുള്‍പൊട്ടലിലും സര്‍വ്വതും നഷ്ടപ്പെട്ടവരെ സഹായിക്കുന്നതിനായി അബൂദാബി കെ.എം.സി.സി സ്വരൂപിച്ച സാധന സാമഗ്രികള്‍ നാട്ടിലേക്കയച്ചു.

അബൂദാബി ഇന്ത്യന്‍ ഇസ്ലാമിക് സെന്റര്‍ കേന്ദ്രീകരിച്ചാണ് കെ.എം.സി.സി പ്രവര്‍ത്തകര്‍ സാധനങ്ങള്‍ സ്വരൂപിച്ചത്. വസ്ത്രങ്ങള്‍, ബെഡ്ഷീറ്റ്, കാര്‍പ്പറ്റ് , ഭക്ഷണ പദാര്‍ത്ഥങ്ങള്‍, വീട്ടുപകരണങ്ങള്‍ ഉള്‍പ്പെടെയാണിത്. പ്രളയം കൂടുതല്‍ ബാധിച്ച മലബാര്‍ മേഖലയിലാണ് ഇവ വിതരണം ചെയ്യുകയെന്ന് പ്രസിഡന്‍ഡ് ഷുക്കൂറലി കല്ലുങ്ങല്‍, ജന. സെക്ര അഡ്വ. കെ.വി മുഹമ്മദ് കുഞ്ഞി, ട്രഷര്‍ പി.കെ അഹമ്മദ് ബല്ലാകടപ്പുറം എന്നിവര്‍ അറിയിച്ചു. ഇസ്ലാമിക് സെന്റര്‍ ജന. സെക്രട്ടറി എം.പി.എം റഷീദ്, കെ.എം.സി.സി ഭാരവാഹികളായ ഹമീദ് കടപ്പുറം, അഷ്റഫ് പൊന്നാനി, മജീദ് അണ്ണന്‍തൊടി, അഷ്റഫ് മാട്ടൂല്‍ എന്നിവര്‍ നേതൃത്വം നല്‍കി.