പെരിന്തല്‍മണ്ണ: കെ.എസ്.ആര്‍.ടി.സി ബസുകളില്‍ സ്വാശ്രയ, പാരലല്‍ വിദ്യാര്‍ഥികള്‍ക്ക് യാത്രാ കണ്‍സഷന്‍ നിഷേധിച്ച സര്‍ക്കാര്‍ നടപടിയില്‍ പ്രതിഷേധിച്ച് എം.എസ്.എഫ് മണ്ഡലം കമ്മിറ്റി പെരിന്തല്‍മണ്ണ കെ.എസ്.ആര്‍.ടി.സി ഡിപ്പോ ഉപരോധിച്ചു. എം.എസ്.എഫ് സംസ്ഥാന വിങ് കണ്‍വീനര്‍ റഷീദ് മേലാറ്റൂര്‍ ഉദ്ഘാടനം ചെയ്തു. മണ്ഡലം ജനറല്‍ സെക്രട്ടറി പി.ടി മുറത്ത് അധ്യക്ഷനായി. ജില്ലാ വിങ് കണ്‍വീനര്‍ സലാം മണലായ മുഖ്യ പ്രഭാഷണം നടത്തി. മണ്ഡലം ഭാരവാഹികളായ കെ.എം റാഷിക്, ശാഫി ചുങ്കത്ത്, നിയാസ് പാറക്കടവ്, കെ.സി ഫായിസ്, എം.പി സലാഹു, ശാഹിദ് വാഴേങ്കട, ആശിഖ് അന്‍വരി, സുല്‍ത്താന്‍ തൂത, ഷിയാസ് മണലായ സംസാരിച്ചു.