ഹിദായ നഗര്‍: ദാറുല്‍ഹുദാ ഇസ്‌ലാമിക് സര്‍വകലാശാലയുടെ വിവിധ ഓഫ് കാംപസുകളിലെയും യു.ജി സ്ഥാപനങ്ങളിലെയും വിദ്യാര്‍ഥികള്‍ മാറ്റുരക്കുന്ന സിബാഖ് ദേശീയ കലോത്സവത്തിന്റെ ലോഗോ പ്രകാശനം ശശി തരൂര്‍ എം.പി നിര്‍വഹിച്ചു.
ദാറുല്‍ഹുദാ നാഷനല്‍ പ്രൊജക്ട് ചെയര്‍മാന്‍ പാണക്കാട് സയ്യിദ് മുനവ്വറലി ശിഹാബ് തങ്ങള്‍, പി.വി അബ്ദുല്‍ വഹാബ് എം.പി, എം.കെ ജാബിറലി ഹുദവി പടിഞ്ഞാറ്റുമുറി, ഇ.എം സുഹൈല്‍ ഹുദവി, റശീദ് ഹുദവി എന്നിവരും ദാറുല്‍ഹുദാ സ്റ്റുഡന്റസ് യൂനിയന്‍ പ്രതിനിധികളും ചടങ്ങില്‍ സംബന്ധിച്ചു.
2019 ജനുവരി 12, 13 തിയതികളില്‍ അഞ്ച് യു.ജി കോളജുകളിലായി സിബാഖ് ദേശീയ കലോത്സവത്തിന്റെ പ്രാഥമിക റൗണ്ട് മത്സരങ്ങളും ജനുവരി 25 മുതല്‍ 27 വരെ വാഴ്‌സിറ്റി കാംപസില്‍ അവസാനഘട്ട മത്സരങ്ങളുമാണ് നടക്കുക.