ശിവകാശി: സുപ്രിം കോടതിയുടെ കര്‍ശന നിര്‍ദേശത്തെ തുടര്‍ന്ന് പടക്ക നിര്‍മാണ ശാലകള്‍ക്ക് നിയന്ത്രണം വന്നതോടെ ശിവകാശിയില്‍ പടക്ക നിര്‍മാണത്തില്‍ കുത്തനെ ഇടിവ്. ഇതേ തുടര്‍ന്ന് 2,000 കോടിയുടെ നഷ്ടമാണ് മേഖലയില്‍ ഉണ്ടായതെന്ന് പടക്ക നിര്‍മാണ കമ്പനി ഉടമകളുടെ അസോസിയേഷന്‍ പ്രസിഡന്റ് ടി. അസൈ തമ്പി പറഞ്ഞു.
പടക്ക നിര്‍മാണത്തിന് സുപ്രിം കോടതി കര്‍ശന ഉപാധി വച്ചതോടെ നിലവിലെ നിര്‍മാണത്തില്‍ നിന്ന് 30 മുതല്‍ 40 ശതമാനം വരെ കുറവാണ് ഉണ്ടായിട്ടുള്ളത്. ഓരോ വര്‍ഷവും 6,000 കോടിയുടെ വില്‍പനയാണ് ഉണ്ടാകാറുള്ളത്.
മൊത്തം ഉല്‍പാദനത്തിന്റെ എട്ട് ശതമാനവും തമിഴ്‌നാട്ടിലാണ് ചെലവഴിക്കുന്നത്. ബാക്കി വരുന്നതാണ് രാജ്യത്തിന്റെ മറ്റിടങ്ങളിലേക്ക് വില്‍ക്കുന്നതെന്നും അദ്ദേഹം പറഞ്ഞു.