കൊണ്ടോട്ടി: ജനാധിപത്യവും മതേതരത്വവും സംരക്ഷിക്കാനുള്ള പോരാട്ടത്തിന്റെ സൈറണ്‍ രാജ്യത്ത് മുഴങ്ങിയത് നരേന്ദ്ര മോദിക്ക് വഴി മാറാന്‍ സമയമായെന്ന് അറിയിപ്പോട് കൂടിയാണെന്ന് ശശി തരൂര്‍ എം.പി പറഞ്ഞു. 'മോദിയൂടെ ഇന്ത്യയില്‍ നിന്ന് ഗാന്ധിയുടെ ഇന്ത്യയിലേക്ക് മടങ്ങാം' എന്ന പ്രമേയത്തില്‍ യൂത്ത് കോണ്‍ഗ്രാറ മലപ്പുറം പാര്‍ലിമെന്റ് കമ്മിറ്റി കരിപ്പൂരില്‍ നടത്തിയ യൂത്ത് സൈറണ്‍ ഉദ്ഘാടനം ചെയ്യുകയായിരുന്നു അദ്ദേഹം.
ജനങ്ങള്‍ക്ക് വിശ്വാസങ്ങള്‍ക്കനുസരിച്ച് ജീവിക്കാനുള്ള ഭരണഘടന നല്‍കുന്ന ഉറപ്പ് ഭരണകൂടം കവര്‍ന്നെടുക്കുന്ന കാഴ്ചയാണ് ഇന്ന് കാണാന്‍ സാധിക്കുന്നതെന്നും അദ്ദേഹം പറഞ്ഞു.
രാജ്യം കണ്ട ഏറ്റവും വലിയ അഴിമതിയായ റാഫേല്‍ ഇടപാട് ചോദ്യങ്ങള്‍ വരുമ്പോള്‍ പ്രധാനമന്ത്രി മൗനത്തിലാവുന്നത് അന്വേഷണത്തെ ഭയക്കുന്നത് കൊണ്ടാണെന്ന് അദ്ദേഹം കുറ്റപ്പെടുത്തി. പാര്‍ലിമെന്റ് പ്രസിഡന്റ് റിയാസ് മുക്കോളി അധ്യക്ഷനായി. ഡി.സി.സി അധ്യക്ഷന്‍ വി.വി പ്രകാശ്, വി.എ കരിം, പി. ഇഫ്തിഖാറുദ്ദീന്‍, സക്കീര്‍ പുല്ലാര, കെ.ടി അജ്മല്‍, അജീഷ് എടാലത്ത്, യാസര്‍ പൊട്ടച്ചോല, പി.കെ നൗഫല്‍ ബാബു, ജയ്‌സല്‍ എളമരം, പി. നിധീഷ് സംസാരിച്ചു.