മലപ്പുറം: സ്വാതന്ത്ര്യ ദിനത്തില്‍ എസ്.കെ.എസ്.എസ്.എഫ് സംഘടിപ്പിക്കുന്ന ഫ്രീഡം സ്‌ക്വയര്‍ ജില്ലയില്‍ 35 മേഖലാ കേന്ദ്രങ്ങളില്‍ നടക്കും. വൈകീട്ട് നാലിനാണു തെരഞ്ഞെടുക്കപ്പെട്ട കേന്ദ്രങ്ങളില്‍ പരിപാടി നടക്കുന്നത്. പ്രഭാഷണം, പ്രതിജ്ഞ എന്നിവ നടക്കും.
ഫ്രീഡം സ്‌ക്വയര്‍ പ്രോഗ്രാമിനും ഫെബ്രുവരിയില്‍ മഞ്ചേരി ഹുദൈബിയ നഗരിയില്‍ നടക്കുന്ന എസ്.കെ.എസ്.എസ്.എഫ് മദീന പാഷന്‍  പ്രചാരണ പ്രവര്‍ത്തനങ്ങള്‍ക്കും ജില്ലാ സെപ്ഷ്യല്‍ കണ്‍വന്‍ഷനുകള്‍ പദ്ധതി ആവിഷ്‌കരിച്ചു.
ഈസ്റ്റ് ജില്ലാ സംഗമം മഞ്ചേരി സഭാ ഹാളില്‍ എസ്.കെ.എസ്.എസ്.എഫ് മുന്‍ സംസ്ഥാന ജനറല്‍ സെക്രട്ടറി ഷാഹുല്‍ ഹമീദ് മേല്‍മുറി  ഉദ്ഘാടനം ചെയ്തു. ജില്ലാ  വൈസ് പ്രസിഡന്റ് ശമീര്‍ ഫൈസി ഒടമല അധ്യക്ഷനായി.
 ട്രഷറര്‍ സി.ടി.ജലീല്‍ പട്ടര്‍കുളം, ജലില്‍ ഫൈസി അരിമ്പ്ര, ജഅ്ഫര്‍ ഫൈസി പഴമള്ളൂര്‍, ഉമര്‍ ദാരിമി പുളിയക്കോട്, ഉമറുല്‍ ഫാറൂഖ് ഫൈസി മണിമൂളി, ഉമര്‍  ഫാറൂഖ് കരിപ്പൂര്‍, ശമീര്‍ ഫൈസി പുത്തനങ്ങാടി, ശുകൂര്‍ വെട്ടത്തൂര്‍ അസ്‌കര്‍ ദാരിമി തുവ്വൂര്‍, സുബൈര്‍ മുഹ്‌സിന്‍ മഞ്ചേരി, മിദ്‌ലാജ് കിടങ്ങഴി  പ്രസംഗിച്ചു.  
വെസ്റ്റ് ജില്ലാ സംഗമം തിരൂര്‍ എന്‍.ഐ മദ്‌റസയില്‍ സംസ്ഥാന സെക്രട്ടറി പി.എം.റഫീഖ് അഹ്മദ് ഉദ്ഘാടനം ചെയ്തു. ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ ഹസനി തങ്ങള്‍ അധ്യക്ഷനായി.
ജില്ലാ ജനറല്‍ സെക്രട്ടറി  ശഹീര്‍ അന്‍വരി, സയ്യിദ് ഉമറലി തങ്ങള്‍, ആശിഖ് കുഴിപ്പുറം, ശാഫി മാസ്റ്റര്‍ ആട്ടീരി,സിദ്ദീഖ് ചെമ്മാട്  ഹനീഫ മാസ്റ്റര്‍ അയ്യായ, അനീസ് ഫൈസി മാവണ്ടിയൂര്‍, മുഹമ്മദലി തിരൂരങ്ങാടി, ശരീഫ് മാസ്റ്റര്‍ ചുഴലി, ശംസുദ്ദീന്‍ ഫൈസി താനൂര്‍, മൊയ്തീന്‍ കുട്ടി വളാഞ്ചേരി പ്രസംഗിച്ചു.