താമരശ്ശേരി: ഏഴുമാസം പ്രായമായ പിഞ്ചുകുഞ്ഞിനെ വീട്ടുമുറ്റത്തെ കിണറ്റിലെറിഞ്ഞു കൊന്ന സംഭവത്തില്‍ പൊലിസ് അറസ്റ്റ് ചെയ്ത കാരാടി പറച്ചിക്കോത്ത് ജസീല (26) യെ താമരശ്ശേരി ജുഡീഷ്യല്‍ ഫസ്റ്റ്ക്ലാസ് മജിസ്‌ട്രേറ്റ് കോടതി 14 ദിവസത്തേക്ക് റിമാന്‍ഡ് ചെയ്തു. ഇന്നലെ വൈകിട്ട് നാലിനാണ് ജസീലയെ കോടതിയില്‍ ഹാജരാക്കിയത്. ജസീലയുടെ ഭര്‍ത്താവ് അബ്ദുല്‍ ഖാദറിന്റെ സഹോദരന്‍ കാരാടി പറച്ചിക്കോത്ത് മുഹമ്മദലിയുടെയും ഷമീനയുടെയും ഏഴുമാസം പ്രായമായ മകള്‍ ഫാത്തിമയെയാണ് തിങ്കളാഴ്ച രാവിലെ 11 മണിയോടെ ഇവരുടെ വീട്ടുമുറ്റത്തെ കിണറ്റില്‍ മരിച്ച നിലയില്‍ കണ്ടെത്തിയത്. സംഭവത്തില്‍ ചൊവ്വാഴ്ച വൈകുന്നേരമാണ് ജസീലയെ പൊലിസ് അറസ്റ്റ് ചെയ്തത്.