HOME
DETAILS

'പള്ളിയില്ല, കുറച്ചു മുസ്‌ലിംകളേ ഉള്ളൂ'; ജമാല്‍പുറിന്റെ പേരുമാറ്റി രാംപുര്‍ ആക്കണമെന്നാവശ്യം

  
backup
June 11 2017 | 02:06 AM

proposed-changing-the-name-of-the-jamalpur-to-rampur

നവ്‌സാരി: മുസ്‌ലിംകള്‍ കുറവായതിനാല്‍ ജമാല്‍പുര്‍ എന്ന പേരുമാറ്റി രാംപുര്‍ എന്നാക്കണമെന്ന വിചിത്ര വാദവുമായി പഞ്ചായത്തംഗം. ബിഹാറിലെ നവ്‌സാരി ജില്ലയിലെ ജമാല്‍പുരിലാണ് സംഭവം.

ഗ്രാമസഭയിലാണ് പ്രത്യൂഷ് പാട്ടേല്‍ എന്ന അംഗം ഈ ആവശ്യമുന്നയിച്ചത്. ഗോരക്ഷാ ദള്‍ നേതാവ് കൂടിയാണ് ഇയാള്‍. ഗ്രാമത്തില്‍ മാംസാഹാരങ്ങള്‍ പൂര്‍ണമായും നിരോധിക്കണമെന്നും ഇയാള്‍ ആവശ്യപ്പെട്ടിട്ടുണ്ട്.

ഗ്രാമസഭയില്‍ ചില അംഗങ്ങള്‍ നിര്‍ദേശത്തെ എതിര്‍ത്തു. വരുന്ന പഞ്ചായത്ത് ബോര്‍ഡ് മീറ്റിങില്‍ ആവശ്യം ഉന്നയിക്കാനാണ് പ്രത്യൂഷ് പാട്ടേലിന്റെ തീരുമാനം.

ഗ്രാമത്തില്‍ ആകെ മൂന്ന് മുസ്‌ലിം വീടുകള്‍ മാത്രമാണുള്ളതെന്നും ഒരു പള്ളി പോലുമില്ലെന്നുമാണ് പാട്ടേലിന്റെ ന്യായം. ഡല്‍ഹിയിലും കശ്മീരിലും നിരവധി സ്ഥലങ്ങളുടെ പേരുമാറ്റിയതും അദ്ദേഹം ചൂണ്ടിക്കാട്ടി.

എന്നാല്‍ പേരുമാറ്റം ഗ്രാമവാസികള്‍ അംഗീകരിക്കില്ലെന്ന നിലപാടാണ് പഞ്ചായത്ത് വൈസ് പ്രസിഡന്റ് നവ്‌സാരി ചാംപെറിന്. ദേശായി, കോലി, കന്‍പി പാട്ടേല്‍ വിഭാഗക്കാര്‍ കൂടുതലുള്ള ഗ്രാമമാണിത്. നിലവിലുള്ള പേരില്‍ ഞങ്ങള്‍ക്കൊരു പ്രശ്‌നവുമില്ല, ഇത് കുറേക്കാലം മുമ്പേ ഉള്ള പേരാണ്. 20 വര്‍ഷം മുമ്പ് ഇതേ ആവശ്യം ഒരു അംഗം ഉന്നയിച്ചിരുന്നുവെന്നും എന്നാല്‍ ഗ്രാമവാസികള്‍ തള്ളുകയായിരുന്നുവെന്നും അദ്ദേഹം പറഞ്ഞു.


 

 

 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."