കൊപ്പം: കുലുക്കല്ലൂര്‍ പഞ്ചായത്തിലെ പുറമെത്രയില്‍ രണ്ട് ഏക്കറോളം കൃഷി സാമൂഹ്യവിരുദ്ധര്‍ നശിപ്പിച്ചതായി പരാതി. പാടശേഖരസമിതിയുടെ കീഴിലുള്ള തോട്ടത്തിലെ ഇരുനൂറോളം വാഴകളാണ് നശിപ്പിക്കപ്പെട്ടത്. കുലവന്നതും കുലക്കാനുമായ വാഴകളാണ് തോട്ടത്തിലുണ്ടായത്. രണ്ട് ലക്ഷത്തോളം രൂപയുടെ നഷ്ടം കണക്കാക്കുന്നു. തിരുത്തിയില്‍ അനില്‍ കുമാറിന്റേതാണ് തോട്ടം. ചേന, ചേമ്പ്, കവുങ്ങ് മുതലായവയും നഷിപ്പിക്കപ്പെട്ടവയില്‍പെടും. പഞ്ചായത്ത് പ്രസിഡന്റ് ഗോപകുമാര്‍, കൃഷി ഓഫിസര്‍ ദീപ്തി, പഞ്ചായത്തംഗം പ്രസാദ് എന്നിവര്‍ സംഭവസ്ഥലം സന്ദര്‍ശിച്ചു. പൊലിസില്‍ പരാതി നല്‍കി.