ന്യൂഡല്‍ഹി: നാഷണലിസ്റ്റ് സോഷ്യലിസ്റ്റ് കൗണ്‍സില്‍ ഓഫ് നാഗാലന്‍ഡ്(കെ) നേതാവും വിഘടനവാദിയുമായ എസ്.എസ് ഖപ്‌ലാങ്(77) അന്തരിച്ചു. ഹൃദയാഘാതത്തെതുടര്‍ന്ന് മ്യാന്‍മറില്‍ വച്ചാണ് അദ്ദേഹം അന്തരിച്ചത്.
വടക്കു കിഴക്കന്‍ സംസ്ഥാനങ്ങളില്‍ സൈന്യത്തിനുനേരെ നിരവധി ആക്രമണങ്ങള്‍ നയിച്ച അദ്ദേഹം 2015 ജൂണ്‍ നാലിന് മണിപ്പൂരില്‍ 18 സൈനികരെ കൊലപ്പെടുത്തിയതുള്‍പ്പെടെ നിരവധി കേസുകളിലെ പ്രതിയാണ്. തുടര്‍ന്ന് മ്യാന്‍മര്‍ അതിര്‍ത്തിഅയില്‍ നടത്തിയ സൈനിക നീക്കത്തില്‍ നിരവധി ഭീകരരെ സൈന്യം വധിക്കുകയും ചെയ്തിരുന്നു. സൈന്യത്തിന് പിടികൊടുക്കാതെ ഇദ്ദേഹം മ്യാന്‍മറിലിരുന്നാണ് ആക്രമണങ്ങള്‍ക്ക് നേതൃത്വം നല്‍കിയിരുന്നത്.