കോഴിക്കോട്: സ്‌പോര്‍ട്‌സ് അക്കാദമി തിരൂരി (സാറ്റ്)ന്റെ സ്‌പോണ്‍സര്‍ഷിപ്പ് ദക്ഷിണേന്ത്യയിലെ പ്രമുഖ റീട്ടെയ്ല്‍ ഗ്രൂപ്പായ അജ്മല്‍ ബിസ്മി എന്റര്‍പ്രൈസ് ഏറ്റെടുത്തു. ഹോട്ടല്‍ താജ് ഗേറ്റ് വേയില്‍ നടന്ന ചടങ്ങ് പി.വി അബ്ദുല്‍ വഹാബ് എം.പി ഉദ്ഘാടനം ചെയ്തു. മലബാറിന്റെയും കേരളത്തിന്റെയും ഫുട്‌ബോള്‍ തലസ്ഥാനമാണ് കോഴിക്കോടെന്ന് അദ്ദേഹം അഭിപ്രായപ്പെട്ടു.
സാറ്റ് പ്രസിഡന്റ് അന്‍വര്‍ അമീന്‍ അധ്യക്ഷനായി. കോബ്രാന്റിങ് കരാര്‍ മുന്‍ ഇന്ത്യന്‍ ഫുട്‌ബോള്‍ താരം ഐ.എം വിജയന്‍ കൈമാറി. അജ്മല്‍ ബിസ്മി എന്റര്‍പ്രൈസസ് ചെയര്‍മാന്‍ വി.എ അജ്മല്‍, സാറ്റ് സെക്രട്ടറി ആഷിഖ് കൈനിക്കര, തിരൂര്‍ മുനിസിപ്പാലിറ്റി ചെയര്‍മാന്‍ കെ. ബാവ, കെ.എഫ്.എ വൈസ് പ്രസിഡന്റ് കെ. അബ്ദുല്‍ കരീം, പി. അഷ്‌റഫ്, ഹൈലൈറ്റ് ഗ്രൂപ്പ് ചെയര്‍മാന്‍ പി. സുലൈമാന്‍, പി.കെ ഗ്രൂപ്പ് ഓഫ് കമ്പനീസ് ചെയര്‍മാന്‍ പി.കെ അഹമ്മദ്, സക്കീര്‍ ഹുസൈന്‍, ഷറഫുദ്ദീന്‍ തെയ്യമ്പാട്ടില്‍ പങ്കെടുത്തു.