ബാഴ്‌സലോണ: ലയണല്‍ മെസിക്ക് ക്ലബ് വിടാന്‍ തടസങ്ങളൊന്നുമില്ലെന്ന് ബാഴ്‌സലോണ പ്രസിഡന്റ് ജോസഫ് മരിയ ബര്‍ടാമു. താരത്തിന്റെ ഭാവിയില്‍ ആശങ്കയില്ലെന്നും മെസിക്ക് വേണമെങ്കില്‍ ഈ സീസണിന്റെ അവസാനത്തോടെ ക്ലബ് വിട്ടുപോകാമെന്നുമാണ് പ്രസിഡന്റിന്റെ വിശദീകരണം. 2017ല്‍ നാലു വര്‍ഷത്തെ പുതുക്കിയ കരാറില്‍ മെസി ഒപ്പിട്ടിട്ടുണ്ടെങ്കിലും 2021നു മുന്‍പ് ടീം വിടാനുള്ള സ്വാതന്ത്ര്യം താരത്തിനുണ്ടെന്നും അദ്ദേഹം വ്യക്തമാക്കി. ബാഴ്‌സ ഇതിഹാസങ്ങളായിരുന്ന സാവി, ഇനിയേസ്റ്റ, പുയോള്‍ എന്നിവര്‍ക്കും സമാനമായ കരാര്‍ വ്യവസ്ഥയാണുണ്ടായിരുന്നത്.