എളേറ്റില്‍: പൊതു വിദ്യാലയങ്ങളുടെ നിലവാരം മെച്ചപ്പെടുത്തുന്നതിന് പൊതുജന പിന്തുണയുടെ മറ്റൊരു മഹനീയ മാതൃക. കൊടുവള്ളി ബി.ആര്‍.സി പരിധിയിലുള്ള പാലക്കുറ്റി എല്‍.പി സ്‌കൂളിലാണ് പ്രദേശിക സമൂഹം ഒന്നു ചേര്‍ന്ന് മുഴുവന്‍ ക്ലാസ് മുറികളും ഹൈടെക്കാക്കിയത്. മികച്ച സ്‌കൂള്‍ ലൈബ്രറിയും ക്ലാസ് ലൈബ്രറികളുമൊരുക്കി മുമ്പുതന്നെ നാട്ടുകാര്‍ സ്‌കൂളിനൊപ്പമുണ്ടണ്ട്. കുട്ടികളുടെ പഠന നിലവാരം ഉറപ്പാക്കാന്‍ വ്യത്യസ്തമായ പിന്തുണ പരിപാടികളും ഇവിടെ നടപ്പിലാക്കി വരുന്നുണ്ടണ്ട്. സമ്പൂര്‍ണ ഡിജിറ്റലൈസേഷന്‍ പരിപാടി കാരാട്ട് റസാഖ് എം.എല്‍.എ. ഉദ്ഘാടനം ചെയ്തു. മുന്‍സിപ്പല്‍ വൈസ് ചെയര്‍മാന്‍ എ.പി.മജീദ് അധ്യക്ഷനായി. സ്‌കൂളിനുള്ള കളര്‍ ടി.വി പരിയെയി പാലക്കറ്റി എം.എല്‍.എക്ക് കൈമാറി. ചടങ്ങില്‍ മുന്‍സിപ്പല്‍ കൗണ്‍സിലര്‍ നാസര്‍കോയ തങ്ങള്‍, ടി.കെ മുഹമ്മദ്, ബി.പി.ഒ മെഹറലി, സി.പി അബ്ദുല്ലക്കോയ, കൊടുവള്ളി എ.ഇ.ഒ മുരളീധരന്‍, പി.കെ അഷ്‌റഫ്, എ.പി സിദ്ധീഖ്, എം. ജബ്ബാര്‍, ശ്രീനിവാസന്‍ ,പി. ബിന്ദുകല, പി.പി സലീം, എന്‍.സി അസീസ് സംബന്ധിച്ചു. പ്രധാന അധ്യാപകര്‍ ടി.വി മജീദ് സ്വാഗതവും പി.ടി ഷാജര്‍ നന്ദിയും പറഞ്ഞു.