റിയാദ്: അല്‍കോബാര്‍ സുബൈക്ക കെ.എം.,സി.സി മുന്‍ ജനറല്‍ സെക്രട്ടറിയും കോട്ടക്കല്‍ മണ്ഡലം കെ.എം.,സി.സി ട്രഷററും ഒരുപതിറ്റാണ്ടിലേറെ അല്‍കോബാറിലെ മതസാമൂഹിക രംഗത്തെ നിറ സാന്നിധ്യവുമായിരുന്ന മലപ്പുറം പൊന്മള ചെങ്ങോട്ടൂര്‍ സ്വദേശി ഹസന്‍ പള്ളിക്കര (40) റിയാദിലെ താമസ സ്ഥലത്ത് വെച്ച് ഹൃദയാഘാതം മൂലം നിര്യാതനായി.

കുടുംബത്തോടൊപ്പം അല്‍കോബാറില്‍ കഴിഞ്ഞ ഇദ്ദേഹം ഒരുവര്‍ഷമായി റിയാദ് ഡോക്ടര്‍ കഫെ സ്ഥാപനത്തില്‍ ജോലി ചെയ്തു വരികയായിരുന്നു . സഫൂറയാണ് ഭാര്യ.മുഹമ്മദ് നബ് ഹാന്‍ ,മുഹമ്മദ് ഹസീബ് എന്നിവര്‍ മക്കളാണ് . മൃതദേഹം നാട്ടിലേക്ക് കൊണ്ട് പോകുന്നതിനുള്ള നിയമ നടപടിക്കായി റിയാദ് കെ.എം.സി.സി യുടെ നേതൃത്വത്തിലുള്ള സാമൂഹ്യ പ്രവര്‍ത്തകര്‍ രംഗത്തുണ്ട്.