ആയഞ്ചേരി; തിരുവള്ളൂരിലും തോടന്നൂരിലും കഴിഞ്ഞ ദിവസങ്ങളിലായി ഭീകര താണ്ഡവമാടിയ സി.പി.എമ്മിന്റെ ഫാസിസ്റ്റ് നിലപാടുകള്‍ക്കെതിരേ കുറ്റ്യാടി മണ്ഡലം യൂത്ത് ലീഗ് കമ്മിറ്റി തിരുവള്ളൂരില്‍ യുവ ജാഗ്രതാ സദസ് സംഘടിപ്പിക്കുന്നു.
ജൂണ്‍ 16ന് വൈകുന്നേരം മൂന്നിന് നടക്കുന്ന സംഗമം യൂത്ത് ലീഗ് സംസ്ഥാന അധ്യക്ഷന്‍ മുനവ്വറലി ശിഹാബ് തങ്ങള്‍ ഉദ്ഘാടനം ചെയ്യും. സംസ്ഥാന ജന.സെക്രട്ടറി പി.കെ ഫിറോസ് പ്രഭാഷണം നടത്തും.
മുസ്ലിം ലീഗ് മണ്ഡലം ഓഫിസിന് നേരെയും തിരുവള്ളൂര്‍ പഞ്ചായത്ത് ഓഫിസിനും നേരെയുണ്ടായ സി.പി.എം അക്രമണത്തെ കുറ്യാടി മണ്ഡലം യൂത്ത് ലീഗ് കമ്മിറ്റി അപലപിച്ചു. എം.പി ഷാജഹാന്‍ അധ്യക്ഷത വഹിച്ചു. യൂത്ത് ലീഗ് ജില്ലാ ട്രഷറര്‍ പി.പി റഷീദ് ഉദ്ഘാടനം ചെയ്തു. എഫ്.എം മുനീര്‍, എ.പി മുനീര്‍, പി അബ്ദുറഹ്മാന്‍, എം.എം മുഹമ്മദ്, മന്‍സൂര്‍ ഇ, റഫീഖ് മലയില്‍, ജൈസല്‍ കുറ്റ്യാടി, നൗഫല്‍ സി.എ, അഹമ്മദ് സാലി, എം.കെ മുഹമ്മദ് അലി, നസീം മന്തരത്തൂര്‍, വി.കെ സുബൈര്‍, ശാഫി മേമുണ്ട, എ.സി ജബാര്‍, നജീബ് കെ.പി, തല്‍വീര്‍ കെ.വി, മുഹമ്മദ് അലി കൂമുള്ളി സംസാരിച്ചു.