കോഴിക്കോട്: അക്രമം നടത്തി നിഷേധിക്കല്‍ ആര്‍.എസ്.എസിന്റെ സ്ഥിരം പല്ലവിയാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. അക്രമിക്കപ്പെട്ട സി.പി.എം കോഴിക്കോട് ജില്ലാ കമ്മിറ്റി ഓഫിസ് സന്ദര്‍ശിച്ചശേഷം മാധ്യമങ്ങളോട് സംസാരിക്കുകയായിരുന്നു കോടിയേരി ബാലകൃഷ്ണന്‍.
ഡല്‍ഹിയിലെ എ.കെ.ജി സെന്ററില്‍ സിതാറാം യെച്ചൂരിയെ അക്രമിച്ചപ്പോള്‍ അങ്ങനെ ഒരു സംഭവം നടന്നിട്ടില്ലെന്നാണ് അവര്‍ പറഞ്ഞത്. അത്തരത്തിലാണ് കോഴിക്കോട് സി.പി.എം ജില്ലാ സെക്രട്ടറി മോഹനന്‍ മാസ്റ്റര്‍ക്ക് നേരെയുണ്ടായ വധശ്രമവും ഓഫിസ് അക്രമവും നിഷേധിക്കലെന്നും അദ്ദേഹം പറഞ്ഞു.