പേരാമ്പ്ര: നൊച്ചാട് ഹയര്‍ സെക്കന്‍ഡറി സ്‌കൂള്‍ ഹ്യുമാനിറ്റീസ് പൂര്‍വ വിദ്യാര്‍ഥി സംഘടനയുടെ നേതൃത്വത്തില്‍ ഹ്യുമാനിറ്റീസ് വിഭാഗത്തില്‍ ഉന്നത വിജയം നേടിയ വിദ്യാര്‍ഥികള്‍ക്ക് അനുമോദനവും മോട്ടിവേഷന്‍ ക്ലാസും സംഘടിപ്പിച്ചു.
പി.സി മുഹമ്മദ് സിറാജ് അധ്യക്ഷനായി. കവി കെ.ടി സൂപ്പി മാസ്റ്റര്‍ അവാര്‍ഡ് വിതരണം നടത്തി. പ്രിന്‍സിപ്പല്‍ സി. അബ്ദുറഹ്മാന്‍ മുഖ്യപ്രഭാഷണം നടത്തി.
ഹ്യൂമാനിറ്റീസ് പൂര്‍വ വിദ്യാര്‍ഥിയും തദ്ദേശ മിത്രം റീജിയനല്‍ കോ ഓര്‍ഡിനേറ്ററും ആയ ബൈജു ആയാടത്തില്‍ മോട്ടിവേഷന്‍ ക്ലാസിന് നേതൃത്വം നല്‍കി.
ടി.പി അബ്ദുല്‍ മജീദ്, കെ.വി അബു, കെ.കെ ഹനീഫ, ടി.കെ ഷബീര്‍, ഫവാസ് ആശംസകളര്‍പ്പിച്ചു. ജാമിയ മില്ലിയ, അലിഗഡ് മുസ്‌ലിം യൂനിവേഴ്‌സിറ്റി, കുസാറ്റ്, പോണ്ടിച്ചേരി എന്നീ കേന്ദ്രസര്‍വ കലാശാലകളില്‍ നിന്ന് പഠനം പൂര്‍ത്തിയാക്കിയ പൂര്‍വ വിദ്യാര്‍ഥികളായ പി.പി ലിനീഷ്, നൂറുന്നിസ, ജാമില്‍ നവാര്‍, അനസ് പാലേരി വിദ്യാര്‍ഥികളുമായി സംവദിച്ചു. ഉന്നത വിജയം നേടിയ എ. അഭിരാമി, എസ്.ആര്‍ അനാമിക, എസ്.ആര്‍ ശ്രേയ കൃഷ്ണ മറുപടി പ്രസംഗം നടത്തി.
പൂര്‍വ വിദ്യാര്‍ഥി സംഘടനാ ചെയര്‍മാന്‍ റിജില്‍ ലാല്‍ സ്വാഗതവും ഒ.എം ദില്‍ഷാദ് നന്ദിയും പറഞ്ഞു.