ദുബൈ: സ്‌കൈ ഗ്രൂപ്പ് എക്‌സിക്യൂട്ടീവ് ഡയറക്ടര്‍ അരുണ്‍ ജോണ്‍ (46) അന്തരിച്ചു. സ്‌കൈ ഗോള്‍ഡ് ചെയര്‍മാന്‍ ബാബു ജോണിന്റെ മൂത്ത മകനാണ്. ഹൃദയാഘാതത്തെ തുടര്‍ന്നായിരുന്നു അന്ത്യം. തിങ്കളാഴ്ച വൈകുന്നേരം ദുബൈയില്‍ വെച്ചായിരുന്നു അന്ത്യം. കേരളത്തില്‍ ജനിച്ച് ദുബൈയിലും ദോഹയിലുമായി വളര്‍ന്ന അരുണ്‍ കമ്പനിയുടെ എക്‌സിക്യൂട്ടീവ് ഡയറക്ടറായിരുന്നു. 

'അദ്ദേഹത്തിന് ആരോഗ്യ പ്രശ്‌നങ്ങളൊന്നും തന്നെ ഉണ്ടായിരുന്നില്ല. അദ്ദേഹത്തിന് പ്രമേഹമോ ബിപിയോ ഒന്നും ഇല്ലായിരുന്നു. അദ്ദേഹം ആരോഗ്യത്തെ സംബന്ധിച്ച് അതീവ ശ്രദ്ധാലുവായിരുന്നു, മരണം തികച്ചും അപ്രതീക്ഷിതമായിരുന്നു' അദ്ദേഹത്തിന്റെ അടുത്ത കുടുംബാംഗമായ ഒരാള്‍ പ്രമുഖ യുഎഇ മാധ്യമമായ ഗള്‍ഫ് ന്യൂസിനോട് പറഞ്ഞു.