വടക്കാഞ്ചേരി: ലയണ്‍സ് ക്ലബിന്റെ ആഭിമുഖ്യത്തില്‍ വടക്കാഞ്ചേരിയെ പ്ലാസ്റ്റിക് വിമുക്തമാക്കുന്നതിന് തുണി സഞ്ചി വിതരണം ചെയ്യുമെന്ന് ലയണ്‍സ് ക്ലബ്ബ് പ്രസിഡന്റ് സുഭാഷ് പുഴയ്ക്കല്‍ വാര്‍ത്താ സമ്മേളനത്തില്‍ അറിയിച്ചു ആതുരസേവന പ്രവര്‍ത്തങ്ങളുടെ ഭാഗമായി വയോജനങ്ങള്‍ക്കായി മെഡിക്കല്‍ ക്യാംപുകള്‍ സംഘടിപ്പിക്കും, 

സ്തനാര്‍ബുദ സെമിനാര്‍, ലയണ്‍സ് പുരസ്‌ക്കാര വിതരണം എന്നിവയാണ് മറ്റു പരിപാടികള്‍. ഹരിത കേരളം പദ്ധതി പ്രകാരം നഗരസഭയിലെ എങ്കക്കാട്, വടക്കാഞ്ചേരി ,മേഖലകളിലെ800 കുടുംബങ്ങള്‍ക്ക് 4000 തുണി സഞ്ചികളാണ് വിതരണം ചെയ്യുക.
കേരള സ്റ്റേറ്റ് സര്‍വ്വീസ് പെന്‍ഷനേഴ്‌സ് യൂണിയന്‍ ബ്ലോക്ക് കമ്മിറ്റിയുടെ സഹകരണത്തോടെയാണ് മെഡിക്കല്‍ ക്യാമ്പും സ്തനാര്‍ബുദബോധവല്‍ക്കരണ സെമിനാറും സംഘടിപ്പിക്കുന്നത്. ലയണ്‍സ് ക്ലബ്ബ് സ്ഥാപക പ്രസിഡന്റ് അഡ്വ.കെ.എന്‍.മേനോന്റെ സ്മരണക്കിയി ഏര്‍പ്പെടുത്തിയ പുരസ്‌ക്കാര ജേതാക്കളേയും പ്രഖ്യാപിച്ചു. ആക്ട്‌സ് പ്രവര്‍ത്തകരായ പി.വി.പ്രസാദ്, എ.എസ്.റംഷാദ്, പെയിന്‍ ആന്റ് പാലിയേറ്റീവ് കെയര്‍ സൊസൈറ്റി പ്രവര്‍ത്തകരായ ജി.ശ്രീദേവി, എസ് സാവിത്രി, ടി.പി.ഫ്രാന്‍സിസ് എന്നിവ രാണ് പുരസ്‌ക്കാര ജേതാക്കള്‍ .പരിപാടികളുടെ ഉദ്ഘാടനം ഞായറാഴ്ച രിവിലെ 9ന് ലയണ്‍സ് ഹാളില്‍ വച്ച് കൃഷിവകുപ്പ് മന്ത്രി അഡ്വ.വി.എസ്.സുനില്‍കുമാര്‍ നിര്‍വ്വഹിക്കും. പത്രസമ്മേളനത്തില്‍ ലയണ്‍സ് ക്ലബ്ബ് പ്രസിഡന്റ് ന്യഭാഷ് പുഴക്കല്‍, സെക്രട്ടറി യു.കരുണാകരന്‍ , ട്രഷറര്‍ തോമസ് തരകന്‍ എന്നിവരും പങ്കെടുത്തു.