കിനാലൂര്‍: ഉഷാ സ്‌കൂളില്‍ നിര്‍മാണം പൂര്‍ത്തിയായ സിന്തറ്റിക് ട്രാക്കിന്റെ ഉദ്ഘാടനം പ്രധാനമന്ത്രി നരേന്ദ്ര മോദി ഇന്നു വൈകിട്ട് മൂന്നിന് വിഡിയോ കോണ്‍ഫറന്‍സിലൂടെ നിര്‍വഹിക്കും. ചടങ്ങില്‍ കേന്ദ്ര കായിക-യുവജനക്ഷേമ മന്ത്രി വിജയ് ഗോയല്‍ അധ്യക്ഷനാകും.
സംസ്ഥാന കായിക വകുപ്പ് മന്ത്രി എ.സി മൊയ്തീന്‍, എം.കെ രാഘവന്‍ എം.പി, പുരുഷന്‍ കടലുണ്ടി എം.എല്‍.എ, സുരേഷ് ഗോപി എം.പി, ഒ. രാജഗോപാല്‍ എം.എല്‍.എ സംസ്ഥാന സ്‌പോര്‍ട്‌സ് കൗണ്‍സില്‍ പ്രസിഡന്റ് ടി.പി ദാസന്‍, കെ.എസ്.ഐ.ഡി.സി എം.ഡി ഡോ. ബീന, ജില്ലാ കലക്ടര്‍ യു.വി ജോസ്, സംസ്ഥാന അത്‌ലറ്റിക്‌സ് അസോസിയേഷന്‍ സെക്രട്ടറി പി.ഐ ബാബു സംബന്ധിക്കും.