തിരുവനന്തപുരം: അഞ്ചിടത്തെ ഉപതിരഞ്ഞെടുപ്പിലേക്കും പുതുമുഖ സ്ഥാനാര്‍ഥികളെ പ്രഖ്യാപിച്ച് സി.പി.എം. വട്ടിയൂര്‍ക്കാവില്‍ തിരുവനന്തപുരം മേയര്‍ വി.കെ പ്രശാന്ത്. അരൂരില്‍ മനു.സി പുളിക്കല്‍, കോന്നിയില്‍ കെ.യു. ബിനിഷ് കുമാര്‍, എറണാകുളത്ത് അഡ്വ മനു.റോയി, മഞ്ചേശ്വരത്ത് ശങ്കര്‍ റേ എന്നീ പുതുമുഖങ്ങള്‍ മത്സരിക്കുമെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍ പ്രഖ്യാപിച്ചു. എറണാകുളത്ത് സിപി.എം സ്വതന്ത്രനായാണ് മുതിര്‍ന്ന മാധ്യമപ്രവര്‍ത്തകന്‍ കെ.എം റോയിയുടെ മകന്‍ അഡ്വ മനു.റോയി മത്സരിക്കുക.
സാമുദായിക പരിഗണന നോക്കിയല്ല സി.പി.എം സ്ഥാനാര്‍ഥികളെ പ്രഖ്യാപിക്കുന്നതെന്നും വിജയ സാധ്യതയേ പരിഗണിക്കാറുള്ളൂഎന്നും കോടിയേരി പറഞ്ഞു. ഈ തിരഞ്ഞെടുപ്പ് സംസ്ഥാന ഭരണത്തെ ബാധിക്കില്ലെന്നും കോടിയേരി വ്യക്തമാക്കി.