മുംബൈ: ഗുജറാത്ത് നിയമസഭ മന്ദിരത്തിനുള്ളില്‍ പുള്ളിപ്പുലി. സി.സി.ടി.വി ദൃശ്യങ്ങളില്‍ നിന്നാണ് നിയമസഭാ മന്ദിരത്തിനുള്ളില്‍ പ്രവേശിച്ചതായി മനസ്സിലായത്. ഞായറാഴ്ച അര്‍ദ്ധ രാത്രിക്ക് ശേഷം 1.53 ന് നിയമസഭ കെട്ടിടത്തിന്റെ ഏഴാം ഗെയിറ്റിന് അടിയിലൂടെ പുലി നൂണ്ട്കടക്കുന്ന ദൃശ്യങ്ങളാണ് സി.സി.ടി.വിയില്‍ പതിഞ്ഞത്.

വനംവകുപ്പ് ഉദ്യോഗസ്ഥര്‍ പുലിക്കായി തിരച്ചില്‍ തുടങ്ങി. നിയമസഭ കെട്ടിടത്തിന് ചുറ്റും പുലി കൂടുകള്‍ നിരത്തിയാണ് തിരച്ചില്‍. 100 വനംവകുപ്പ് ഉദ്യോഗസ്ഥരെ നിയോഗിച്ചിട്ടുണ്ട്.

നിയമസഭ ഉദ്യോഗസ്ഥര്‍ക്ക് പൊലിസ് പ്രവേശനം നിഷേധിച്ചിരിക്കുകയാണ്.

മഹാരാഷ്ട്രയിലെ യവത്മാലില്‍ നരഭോജിയായ പെണ്‍ കടുവ അവാനിയെ സര്‍ക്കാര്‍ ഉത്തരവിനെ തുടര്‍ന്ന് വെടിവെച്ച് കൊന്നത് വിവാദമായതിനു പിന്നാലെയാണ് ഗുജറാത്ത് നിയമസഭയെ സ്തംഭിപ്പിച്ച് പുള്ളിപ്പുലി കടന്നുകൂടിയത്.