കോഴിക്കോട്: സമസ്ത കേരള മുസ്‌ലിം എംപ്ലോയീസ് അസോസിയേഷന്‍ സംസ്ഥാന സമ്മേളനത്തിന് കോഴിക്കോട് ഫ്രാന്‍സിസ് റോഡ് സമസ്ത ഓഡിറ്റോറിയത്തില്‍ ഉജ്ജ്വല തുടക്കം. സമ്മേളനത്തിന് തുടക്കംകുറിച്ച് പാണക്കാട് സയ്യിദ് സാദിഖലി ശിഹാബ് തങ്ങള്‍ പതാക ഉയര്‍ത്തി. തുടര്‍ന്ന് സംസ്ഥാന എക്‌സിക്യുട്ടീവ് സംഗമം നടന്നു.
ഡോ. എന്‍.എ.എം അബ്ദുല്‍ ഖാദിര്‍ അധ്യക്ഷനായി. മുസ്തഫ മുണ്ടുപാറ, എ.എം ഫരീദ് എറണാകുളം, സിറാജുദ്ദീന്‍ ഖാസിലൈന്‍ കാസര്‍കോട്, റിയാസ് ശാദുലിപ്പള്ളി, സുബൈര്‍ വഴിമുക്ക്, അഡ്വ. ആരിഫ് തിരൂരങ്ങാടി, ഷുക്കൂര്‍ മാസ്റ്റര്‍ മാവൂര്‍, അയ്യൂബ് കൂളിമാട്, കുഞ്ഞഹമ്മദ് മാസ്റ്റര്‍ കുറ്റ്യാടി, സുബൈര്‍ മാസ്റ്റര്‍ കുറ്റിക്കാട്ടൂര്‍, സി.പി ഇഖ്ബാല്‍, കെ.പി ശംസീര്‍ മാസ്റ്റര്‍ സംബന്ധിച്ചു.
ഇന്ന് രാവിലെ 10ന് നടക്കുന്ന സമ്പൂര്‍ണ പ്രതിനിധി സമ്മേളനം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. സമസ്ത സെക്രട്ടറി ആലിക്കുട്ടി മുസ്‌ലിയാര്‍ മുഖ്യപ്രഭാഷണം നടത്തും. രാഷ്ട്രപതിയുടെ അവാര്‍ഡ് നേടിയ ഡോ. എന്‍.എ.എം അബ്ദുല്‍ ഖാദിറിനെ കോഴിക്കോട് ഖാസി മുഹമ്മദ് കോയ തങ്ങള്‍ ജമലുല്ലൈലി ആദരിക്കും. കെ. മോയിന്‍കുട്ടി മാസ്റ്റര്‍ കര്‍മ പദ്ധതി അവതരിപ്പിക്കും. അബ്ദുല്‍ ഹമീദ് ഫൈസി അമ്പലക്കടവ് ക്ലാസെടുക്കും.
ഉമര്‍ഫൈസി മുക്കം, എ.വി അബ്ദുറഹ്മാന്‍ ഫൈസി, ആബിദ് ഹുസൈന്‍ തങ്ങള്‍ എം.എല്‍.എ, നാസര്‍ ഫൈസി കൂടത്തായി, സത്താര്‍ പന്തലൂര്‍ സംബന്ധിക്കും. ഉച്ചക്ക് രണ്ടിന് 'ഇന്ത്യയുടെ ഭാവിയും വര്‍ത്തമാന സാഹചര്യവും' എന്ന വിഷയത്തില്‍ നടക്കുന്ന സെമിനാര്‍ റിട്ട. ജസ്റ്റിസ് കെമാല്‍ പാഷ ഉദ്ഘാടനം ചെയ്യും. അഡ്വ. എ. സജ്ജാദ് അധ്യക്ഷനാകും. പ്രമുഖ മാധ്യമ പ്രവര്‍ത്തകന്‍ എ. ജയശങ്കര്‍, ഓണമ്പിള്ളി മുഹമ്മദ് ഫൈസി, എ. സജീവന്‍ സംസാരിക്കും.