കോട്ടയും: തെരഞ്ഞെടുപ്പ് തോല്‍വിക്ക് പിന്നാല്‍ കേരള കോണ്‍ഗ്രസ് എമ്മില്‍ ഉടലെടുത്ത പ്രതിസന്ധിക്ക് മൂര്‍ച്ചകൂട്ടി നേതാക്കള്‍ തമ്മിലുള്ള വാക്‌പോര് തുടരുന്നു. ഏറ്റവും ഒടുവില്‍ പി.ജെ ജോസഫ് വില്ലനാണെന്ന പരാമര്‍ശവുമായി യു.ഡി.എഫ് സ്ഥാനാര്‍ഥിയായിരുന്ന ജോസ് ടോം രംഗത്ത് വന്നു.

പാലായിലെ തോല്‍വിക്ക് കാരണം പി.ജെ ജോസഫാണെന്ന് അദ്ദേഹം തുറന്നടിച്ചു. പി.ജെ ജോസഫ് വിഭാഗം നേതാവ് ജോയ് എബ്രഹാം തെരഞ്ഞെടുപ്പില്‍ ഒരു പ്രവര്‍ത്തനവും നടത്തിയില്ലെന്നും ജോയ് എബ്രഹാമിനെ നിയന്ത്രിക്കാന്‍ പി.ജെ ജോസഫിനായില്ലെന്നും അദ്ദേഹം കുറ്റപ്പെടുത്തി.

എന്നാല്‍ ജോസ് കെ. മാണി പരാജയം ഏറ്റുവാങ്ങുകയായിരുന്നുവെന്നാണ് ജോസഫ് വിഭാഗത്തിന്റെ വാദം. രണ്ടില നല്‍കാന്‍ തയാറായെങ്കിലും ധിക്കാരപരമായി അത് നിഷേധിച്ച് ജോസ് കെ. മാണി പരാജയം ഏറ്റുവാങ്ങുകയായിരുന്നുവെന്ന് പി.ജെ ജോസഫ് കുറ്റപ്പെടുത്തി. ചിഹ്നം കിട്ടിയാല്‍ ജയിക്കുമായിരുന്നുവെന്ന് പറയുന്നവര്‍ പാര്‍ട്ടി ഭരണഘടനാ പ്രകാരം ചിഹ്നം നല്‍കാന്‍ അധികാരമുള്ള പാര്‍ട്ടി വര്‍ക്കിംഗ് ചെയര്‍മാനോട് അഭ്യര്‍ത്ഥിച്ചിരുന്നെങ്കില്‍ ചിഹ്നം ലഭിക്കുമായിരുന്നുവെന്നും അദ്ദേഹം പറഞ്ഞു.