രാജപുരം: ചൈനയില്‍ ഇന്ന് മുതല്‍ 21 വരെ നടക്കുന്ന ബ്രിക്‌സ് വോളിബോള്‍ ചാംപ്യന്‍ഷിപ്പിനുള്ള ഇന്ത്യന്‍ ടീമില്‍ ആറ് മലയാളി താരങ്ങള്‍. ഔറംഗാബാദില്‍ നടന്ന സെലക്ഷന്‍ ക്യംപില്‍ വിവിധ സംസ്ഥാനങ്ങളില്‍ നിന്നായി 128 താരങ്ങളാണ് പങ്കെടുത്തത്. ഇവരില്‍ നിന്നുള്ള 12 പേരില്‍ ആറും മലയാളി താരങ്ങളാണ്. എയ്ഞ്ചല്‍ ജോസഫ് (കാസര്‍ക്കോട്), സൂര്യ (കൊല്ലം), അഞ്ജലി ബാബു (കണ്ണൂര്‍), പി.എസ് കൃഷ്ണ ( എറണാകുളം), അനുശ്രീ (തൃശ്ശൂര്‍), ജിന്‍സി ജോണ്‍ (കോട്ടയം) എന്നിവരാണ് ടീമിലുള്ള മലയാളി താരങ്ങള്‍.