HOME
DETAILS

റമദാന്‍ അവസാന പത്തില്‍; പുണ്യനഗരികളിലേക്ക് വിശ്വാസികളുടെ ഒഴുക്ക്

  
backup
June 16 2017 | 23:06 PM

%e0%b4%b1%e0%b4%ae%e0%b4%a6%e0%b4%be%e0%b4%a8%e0%b5%8d%e2%80%8d-%e0%b4%85%e0%b4%b5%e0%b4%b8%e0%b4%be%e0%b4%a8-%e0%b4%aa%e0%b4%a4%e0%b5%8d%e0%b4%a4%e0%b4%bf%e0%b4%b2%e0%b5%8d%e2%80%8d-%e0%b4%aa

മക്ക: വിശുദ്ധ റമദാന്‍ അവസാന പത്തിലേക്ക് കടന്നതോടെ വിശുദ്ധ ഹറമുകളിലേക്ക് ഉംറ തീര്‍ഥാടകരുടെയും സന്ദര്‍ശകരുടെയും ഒഴുക്ക് വര്‍ധിച്ചു. ഏതാനും ദിവസങ്ങള്‍ മാത്രം അവശേഷിക്കുന്ന പുണ്യദിനങ്ങളില്‍ കൂടുതല്‍ ലക്ഷ്യ സഫലീകരണം മോഹിച്ചാണ് തീര്‍ഥാടക ലക്ഷങ്ങള്‍ ഇരുഹറമുകളും ലക്ഷ്യമാക്കി ഒഴുകുന്നത്.

പാപമോചനത്തിന്റെ പത്തായി കരുതുന്ന അവസാന പത്തിലെ ഒറ്റയിട്ട രാവുകളിലെ പുണ്യംനുകരാനും നിരവധിയാളുകളാണ് മക്കയിലും മദീനയിലും തങ്ങുന്നത്. വിദേശ രാജ്യങ്ങങ്ങില്‍  നിന്നെത്തുന്നവര്‍ക്ക് പുറമെ സ്വദേശികളും പുണ്യനഗരിയിലേക്ക് ഒഴുകുകയാണ്. പ്രവാചകചര്യ പിന്‍പറ്റി റമദാനിലെ അവാസന പത്ത് ദിവസത്തെ ഇഅ്തികാഫിനായി മക്കയിലും മദീനയിലും നിരവധി പേര്‍ എത്തിയിട്ടുണ്ട്. അവസാന പത്തിലെ ആദ്യ ജുമുഅയില്‍ ലക്ഷങ്ങളാണ് പങ്കുകൊണ്ടത്. പാപ മോചനം നേടി നാഥനിലേക്ക് മടങ്ങുന്നതിന്റെ ആവശ്യകത ഇമാമുമാര്‍ ഖുതുബ പ്രസംഗത്തില്‍ ഉണര്‍ത്തി.

വിശ്വാസ ലക്ഷങ്ങള്‍ എത്തുമ്പോള്‍ ഉണ്ടായേക്കാവുന്ന പ്രശ്‌നങ്ങള്‍ കണക്കിലെടുത്ത് സുരക്ഷയും വര്‍ധിപ്പിച്ചിട്ടുണ്ട്. റമദാന്‍ ഉംറ സുരക്ഷ പദ്ധതി വിജയകരമായി നീങ്ങുന്നതായി സുരക്ഷാ വിഭാഗം അറിയിച്ചു. മക്ക മേഖല ഗവര്‍ണര്‍ അമീര്‍ ഖാലിദ് അല്‍ ഫൈസല്‍, ഡപ്യൂട്ടി ഗവര്‍ണ്ണര്‍ അമീര്‍ അബ്ദുള്ള ബിന്‍ ബന്ദര്‍ ബിന്‍ അബ്ദുല്‍ അസീസ് എന്നിവര്‍ കഴിഞ്ഞ ദിവസങ്ങളില്‍ സന്ദര്‍ശനം നടത്തി ഒരുക്കങ്ങള്‍ പരിശോധിച്ചിരുന്നു.



 



Comments (0)

Disclaimer: "The website reserves the right to moderate, edit, or remove any comments that violate the guidelines or terms of service."