കളമശ്ശേരി: ജില്ലാ ഖുര്‍ആന്‍ സ്റ്റഡി സെന്ററിന്റെ ആഭിമുഖ്യത്തില്‍ റഹ്മത്തുള്ള ഖാസിമിയുടെ ഖുര്‍ആന്‍ പഠന പ്രഭാഷണവും  സമസ്ത മുശാവറ അംഗം ഇ.എസ് ഹസ്സന്‍ ഫൈസിക്ക് സ്വീകരണവും നടത്തി. മുനിസിപ്പല്‍ ടൗണ്‍ ഹാളിലെ പി.ടി അബൂബക്കര്‍ ഉസ്താദ് നഗറില്‍ നടന്ന ചടങ്ങില്‍ ഖുര്‍ആന്‍ സ്റ്റഡി സെന്റര്‍ പ്രസിഡണ്ട് എം.എം അബൂബക്കര്‍ ഫൈസി അധ്യക്ഷനായി.
ജില്ലാ ജംഇയ്യത്തുല്‍ ഉലമ പ്രസിഡണ്ട് ഐ.ബി ഉസ്മാന്‍ ഫൈസി, ജംഇയ്യത്തുല്‍ മുഅല്ലിമീന്‍ പ്രസിഡണ്ട് മുഹമ്മദ് ദാരിമി, എസ്.വൈ.എസ് ജില്ലാ പ്രസിഡണ്ട് എന്‍.കെ മുഹമ്മദ് ഫൈസി, എസ്.കെ.എസ്.എസ്.എഫ് ജില്ലാ പ്രസിഡണ്ട് ഷഫീഖ് തങ്ങള്‍ ഖുര്‍ആന്‍ സ്റ്റഡി സെന്റര്‍ സെക്രട്ടറി എം.ബി മുഹമ്മദ്. ഡോ.എം അബ്ബാസ്, സലാം ഹാജി തുടങ്ങിയവര്‍ പ്രസംഗിച്ചു.  ചടങ്ങില്‍ ഹജ്ജിന് പോകുന്നവര്‍ക്ക് യാത്രയയപ്പും നല്‍കി.