കല്‍പ്പറ്റ: രഹസ്യവിവരത്തെ തുടര്‍ന്ന് എക്‌സൈസ് സംഘം നടത്തിയ പരിശോധനയില്‍ 60 കിലോ പാന്‍മസാലയും 300 ലിറ്റര്‍ മണ്ണെണ്ണയും പിടികൂടി. 60 കിലോ തൂക്കം വരുന്ന 5500 പാക്കറ്റ് പാന്‍മസാലയും അനധികൃതമായി ശേഖരിച്ചുവെച്ച 300 ലിറ്റര്‍ മണ്ണെണ്ണയുമാണ് എക്‌സൈസ് സംഘം പിടികൂടിയത്. 

സംഭവത്തില്‍ അമ്പിലേരി പാറോക്കോട്ട് ഷിഹാബ് (28)നെ കല്‍പ്പറ്റ എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.പി ജെയിംസും സംഘവും അറസ്റ്റ് ചെയ്തു. എക്‌സൈസ് കമ്മീഷണര്‍ക്ക് ലഭിച്ച രഹസ്യ വിവരത്തെ തുടര്‍ന്ന് നടത്തിയ പരിശോധനയിലാണ് പാന്‍മസാലയും മണ്ണെണ്ണയും പിടികൂടിയത്. പ്രതി കല്‍പ്പറ്റയിലും പരിസരപ്രദേശങ്ങളിലും പാന്‍മസാലകള്‍ വിതരണം ചെയ്തിരുന്നതായി എക്‌സൈസ് അധികൃതര്‍ പറഞ്ഞു.
ഷിഹാബിന്റെ അമ്പിലേരിയിലെ വീട്ടിനുള്ളില്‍ ഒളിപ്പിച്ചുവെന്ന നിലയിലായിരുന്നു നിരോധിത പാന്‍മസാലകളും മണ്ണെണ്ണയും. തമിഴ്‌നാട്ടില്‍ നിന്നു പച്ചക്കറി വാഹനത്തിലാണ് ഇയാള്‍ കേരളത്തിലേക്ക് പാന്‍മസാലകള്‍ ഒളിച്ചു കടത്തിയിരുന്നത്. എക്‌സൈസ് സര്‍ക്കിള്‍ ഇന്‍സ്‌പെക്ടര്‍ കെ.പി ജെയിംസ്, പ്രിവന്റീവ് ഓഫിസര്‍ അബൂബക്കര്‍, സിവില്‍ എക്‌സൈസ് ഓഫിസര്‍മാരായ ചന്തു, ഏല്യാസ്, അന്‍വര്‍ എന്നിവരുടെ നേതൃത്വത്തിലുള്ള സംഘമാണ് പിടികൂടിയത്.