വീയപുരം: ശാന്തിഗിരി ആശ്രമസ്ഥാപകന്‍ നവജ്യോതി ശ്രീകരുണാകരഗുരുവിന്റെ നവതി ആഘോഷപരിപാടികളുടെ ഭാഗമായി വീയപുരം സര്‍ക്കാര്‍ ഹയര്‍സെക്കന്‍ഡറി സ്‌കൂളില്‍ ലഹരി ഉപയോഗ വിരുദ്ധ ബോധവത്കരണ ക്ലാസ് സംഘടിപ്പിച്ചു. നവതി ആഘോഷ പരിപാടികളുടെ ഹരിപ്പാട് ഇന്‍ചാര്‍ജ്ജ് സ്വാമി ചിത്തശുദ്ധന്‍ ജ്ഞാന തപസ്വി ഉദ്ഘാടനം നിര്‍വ്വഹിച്ച ക്ലാസ്സ് നയിച്ചത് ആന്റി നര്‍ക്കോട്ടിക് സെല്‍ എ.എസ്.ഐ. അലി അക്ബര്‍ ആയിരുന്നു. പി.റ്റി.എ.പ്രസിഡന്റ് സി.പ്രസാദ് അദ്ധ്യക്ഷത വഹിച്ചു. ഹെഡ്മാസ്റ്റര്‍ കെ.വി.ഷാജി, പി.സലിം, ആര്‍.രമേശന്‍, മഹേഷ് രാധാകൃഷ്ണന്‍ തുടങ്ങിയവര്‍ സംസാരിച്ചു.