കയ്പമംഗലം: പെരിഞ്ഞനം യു.എ.ഇ.വെല്‍ഫെയര്‍ കമ്മിറ്റിയുടെ ആഭിമുഖ്യത്തില്‍ ഈ പ്രവാസം ജന നന്മക്ക് എന്ന പ്രമേയം ഉയര്‍ത്തിപ്പിടിച്ച് തോട്ടുങ്ങല്‍ മുഹ്‌യിദ്ദീന്‍ മഹല്ല് സംഗമം നടത്തി. മഹല്ല് ഖത്തീബ് അബ്ദുറഹ്മാന്‍ അശ്‌റഫി സംഗമം ഉദ്ഘാടനം ചെയ്തു. മഹല്ല് സെക്രട്ടറി വി.എം യൂസഫ് അധ്യക്ഷനായി. മുഖ്യ രക്ഷാധികാരി വി.കെ അബ്ദുറഹീം റിപ്പോര്‍ട്ടും യു.എ.ഇ വെല്‍ഫെയര്‍ കമ്മിറ്റി പ്രസിഡന്റ് ഷിഹാസ് സുല്‍ത്താന്‍ കമ്മിറ്റിയുടെ ലക്ഷ്യവും വിശദീകരിച്ചു. നാടും വീടും ഉപേക്ഷിച്ച് ജീവിത മാര്‍ഗം തേടി ഗള്‍ഫിലെത്തിയ പ്രവാസികള്‍ തങ്ങളുടെ കുടുംബങ്ങള്‍ പോറ്റുന്നതോടൊപ്പം അശരണരുടെ കണ്ണീരൊപ്പാന ും മഹല്ലിന്റെ ഉന്നമനത്തിനു വേണ്ടിയും പ്രവര്‍ത്തിക്കുന്നത് മഹത്തായ പുണ്യ കര്‍മ്മമാണെന്ന് ഉദ്ഘാടന പ്രഭാഷണത്തില്‍ മഹല്ല് ഖതീബ് അബ്ദുറഹ്മാന്‍ അശ്‌റഫി ചൂണ്ടിക്കാട്ടി. മഹല്ലില്‍ നടത്തിയ ചോദ്യോത്തരങ്ങളില്‍ വിജയികളായവര്‍ക്കുള്ള സമ്മാനദാനം സദര്‍ മുഅല്ലിം കെ.കെ.സിദ്ദീഖ് ഫൈസി നിര്‍വഹിച്ചു.
മദ്‌റസ പ്രസിഡന്റ് സുലൈമാന്‍ കൊള്ളിക്കത്തറ, സെക്രട്ടറി വി.വി.മജീദ്, മഹല്ല് വൈസ് പ്രസിഡന്റ് എം.കെ.അബൂബക്കര്‍, എം.കെ.അശ്‌റഫ്, കെ.എം.നിഷാദ്, എം.കെ.അബ്ദുറഹ്മാന്‍, എം.എ.നിസാര്‍, എ.എം.ഷുക്കൂര്‍, കെ.എം.ഷാജി, വി.കെ.മുഹമ്മദ് ഷിറാസ്, സി.ബി.ഷഫീഖ്, കെ.എ.മന്‍സൂര്‍, കെ.എ.ഷിഹാബ് എന്നിവര്‍ സംസാരിച്ചു. യു.എ.ഇ.വെല്‍ഫെയര്‍ കമ്മറ്റി ജന: സെക്രട്ടറി സി.ബി.ഷാജി സ്വാഗതവും ഇ.എസ്.ബഷീര്‍ നന്ദിയും പറഞ്ഞു.