റിയാദ്: രാജ്യത്തെ യുവതീ യുവാക്കള്‍ക്ക് തൊഴില്‍ നേടിക്കൊടുക്കുന്ന സഊദിവല്‍ക്കരണ പദ്ധതി വന്‍വിജയമാകുന്നതായി കണക്കുകള്‍. സ്വകാര്യ മേഖലയിലെ സഊദിവല്‍ക്കരണ തോത് ഇരുപത് ശതമാനമായി ഉയര്‍ന്നതായാണ് ഏറ്റവും ഒടുവിലെ റിപ്പോര്‍ട്ടുകള്‍. ജനറല്‍ ഓര്‍ഗനൈസേഷന്‍ ഫോര്‍ സോഷ്യല്‍ ഇന്‍ഷുറന്‍സ് (ഗോസി) കണക്കുകള്‍ പ്രകാരം നാല് വര്‍ഷത്തിനിടെയുള്ള ഏറ്റവും ഉയര്‍ന്ന നിരക്കാണിത്. അഞ്ചാംവര്‍ഷവും ഇത് വര്‍ധിച്ചുവരുന്നതായാണ് കണക്കുകള്‍. കഴിഞ്ഞ വര്‍ഷം മൂന്നാം പാദത്തെ അപേക്ഷിച്ച് ഈ വര്‍ഷം മൂന്നാം പാദത്തില്‍ സഊദി ജീവനക്കാരുടെ എണ്ണത്തില്‍ 1.9 ശതമാനം വര്‍ധന രേഖപ്പെടുത്തി.