പഴയങ്ങാടി: ഏഴോം പഞ്ചായത്തില്‍ പഴയങ്ങാടി ബസ്സ്റ്റാന്‍ഡിനു സമീപം കെ.എസ്.ടി.പി റോഡില്‍ നടപ്പാതയില്‍ അനധികൃത നിര്‍മാണം. റോഡിലെ ഓവുചാവിലിനു തൊട്ടാണ് അനധികൃത നിര്‍മാണ പ്രവൃത്തി നടക്കുന്നത്. ഇരുമ്പു തകിടു കൊണ്ട് കട നിര്‍മിച്ചത് ഏഴോം പഞ്ചായത്തിന്റെ മൗനാനുവാദത്തോടെയാണെന്നും ആരോപണമുണ്ട്.
മുന്‍പ് ബസ്സ്റ്റാന്‍ഡില്‍ തന്നെ അനധികൃതമായി നിര്‍മിച്ച കെട്ടിടത്തിനും എരിപുരത്ത് കെ.എസ്.ടി.പി റോഡ് കൈയേറിയ ഷോപ്പിങ് കോപ്ലക്‌സിനും അനുമതി നല്‍കിയതു  വിവാദമായിരുന്നു. എരിപുരത്തു നിര്‍മാണം നടക്കുന്ന കെട്ടിടം കെ.എസ്.ടി.പി സ്ഥലം കൈയേറിയാണെന്ന സ്വകാര്യ വ്യക്തിയുടെ പരാതിയിലും നടപടിയെടുത്തില്ല. ബസ്സ്റ്റാന്‍ഡിനു സമീപത്തെ ഒരു ഹോട്ടലിന്റെ അടുപ്പും കെ.എസ്.ടി.പിയുടെ ഓവുചാലിനു മുകളിലാണ്.