മംഗളൂരു: ചെക്കുകേസില്‍ കര്‍ണാടക തൊഴില്‍ മന്ത്രിയ്ക്ക് അഞ്ചു വര്‍ഷം തടവ്. തൊഴില്‍ മന്ത്രി സന്തോഷ് ലാഡിനെയാണ് കോടതി അഞ്ച് വര്‍ഷം തടവിന് ശിക്ഷിച്ചത്. സിനിമാ നിര്‍മാതാവ് റോക്‌ലിന്‍ വെങ്കിടേഷ് ഫയല്‍ ചെയ്ത കേസിലാണ് ബംഗളൂരു കോടതിയുടെ വിധി. 2014 ലായിരുന്നു സംഭവം. പിഴയുള്‍പ്പടെ 7.25 കോടി നല്‍കാനും വിധിയിലുണ്ട്. റോക്‌ലിന്‍ വെങ്കിടേഷിന് മന്ത്രി നല്‍കിയ 4.20 കോടിയുടെ ചെക്ക് അക്കൗണ്ടില്‍ പണമില്ലാതെ മടങ്ങിയിരുന്നു. കൊച്ചടിയാന്‍ സിനിമ നിര്‍മിക്കുന്നതിനായിരുന്നു പണം. ലോണിന്‍മേല്‍ ജാമ്യം മന്ത്രിയുടേതായിരുന്നു. ഇതിനായി മന്ത്രി ചെക്കും നല്‍കിയിരുന്നു. എന്നാല്‍ ചെക്ക് പണമില്ലാതെ മടങ്ങുകയായിരുന്നു. ഒടുവില്‍ കടം വാങ്ങിയ പണം ഉപയോഗിച്ചാണ് കൊച്ചടിയാന്‍ എന്ന ചിത്രം നിര്‍മിച്ചത്. മന്ത്രി ആവശ്യപ്പെട്ട അവസാന അവധി കഴിഞ്ഞ് മാസങ്ങള്‍ പിന്നിട്ട ശേഷമാണ് റോക്‌ലിന്‍ വെങ്കിടേഷ് കേസ് ഫയല്‍ ചെയ്തത്.വിധിയില്‍ അപ്പീലിനു പോകാനാണ് മന്ത്രിയുടെ തീരുമാനം.