ജിദ്ദ: 'പ്രവാചകന്മാര്‍ ഖുര്‍ആനില്‍' എന്ന ഗ്രന്ഥത്തിന്റെ ഉപജ്ഞാതാവ് മഞ്ചേരി സ്വദേശിയായ ചുങ്കത്ത് അബ്ദുറഹ്മാന് മഞ്ചേരി സെന്‍ട്രല്‍ മഹല്‍ ജിദ്ധ ഘടകം സ്വീകരണം നല്‍കി.ഉംറക്കായി എത്തിയ അദ്ദേഹത്തെ സഫയര്‍ ഓഡിറ്റോറിയത്തില്‍ ഒരുക്കിയ ചടങ്ങിലാണ് സ്വീകരിച്ചത്.

ദോഹയില്‍ നടന്നു കൊണ്ടിരിക്കുന്ന ശൈഖ് ഹമദ് അവാര്‍ഡിനായുള്ള അന്താരാഷ്ട്ര പരിഭാഷ മത്സരത്തില്‍ അച്ചീവ്‌മെന്റ്, മലയാള വിഭാഗത്തില്‍ ഈ ഗ്രന്ഥം തിരഞ്ഞെടുക്കപ്പെട്ടിട്ടുണ്ട്. രണ്ട് മില്യണ്‍ ഡോളറാണ് മൊത്തം അവാര്‍ഡ് തുക. ഡിസംബര്‍ എട്ടിന് അവാര്‍ഡ് ജേതാക്കളെ പ്രഖ്യാപിക്കും. പ്രസിഡന്റ് ആഷിഖ് അലി അധ്യക്ഷനായിരുന്നു.

എക്‌സിക്യൂട്ടീവ് അംഗങ്ങളായ അഷ്റഫ് പെരുമ്പള്ളി, നജാത്ത് അലി, ഹുസൈന്‍ കറുപ്പത്ത്, ഷഫീഖ് ചുങ്കത്ത്
ഉപദേശക സമിതി ചെയര്‍മാന്‍ ഓവുങ്ങല്‍ മുഹമ്മദലി എന്നിവര്‍ സംസാരിച്ചു. സിക്രട്ടറി ഷിബു കാരാട്ട് സ്വാഗതവും ജോയന്റ് സിക്രട്ടറി നിസാര്‍ നരിപ്പറ്റ നന്ദിയും പറഞ്ഞു.