കോഴിക്കോട്: സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യയുടെ ഡോ. അംബേദ്കര്‍ മാധ്യമ പുരസ്‌കാര വിതരണവും രോഹിത് വെമുല ഉപന്യാസ മത്സര വിജയികള്‍ക്കുള്ള സമ്മാനദാനവും ജൂണ്‍ 30ന് തൃശൂരില്‍ വച്ച് നടത്തുമെന്ന് എസ്.ഡി.പി.ഐ സംസ്ഥാന ജനറല്‍ സെക്രട്ടറി എം.കെ മനോജ് കുമാര്‍ അറിയിച്ചു.
പ്രമുഖ പത്ര പ്രവര്‍ത്തകന്‍ ആര്‍. സുനിലിനാണ് ഈ വര്‍ഷത്തെ അംബേദ്കര്‍ മാധ്യമ പുരസ്‌കാരം.
'ദലിത് പിന്നോക്ക ജനതയുടെ രാഷ്ട്രീയമുന്നേറ്റം: പ്രതീക്ഷയും പ്രതിസന്ധിയും' എന്ന വിഷയത്തില്‍ നടത്തിയ ഉപന്യാസ മത്സരത്തില്‍ വിജയിച്ച എം. ജാബിര്‍ (കൊണ്ടോട്ടി), എസ്. ഷമീര്‍ (പുനലൂര്‍), ടി.കെ ശുഹൈബ് (കോഴിക്കോട്) എന്നിവര്‍ക്ക് സമ്മാനങ്ങളും നല്‍കും.
ജൂണ്‍ 30ന് വൈകിട്ട് മൂന്നിന് തൃശൂര്‍ സാഹിത്യ അക്കാദമി ഹാളില്‍ നടക്കുന്ന ചടങ്ങിലാണ് പുരസ്‌കാര വിതരണം നടക്കുക.