പോര്‍ട് ഓഫ് സ്‌പെയിന്‍: വെസ്റ്റിന്‍ഡീസിനെതിരായ ഒന്നാം ഏകദിനത്തില്‍ ഇന്ത്യക്ക് മികച്ച തുടക്കം. മഴയെ തുടര്‍ന്ന് കളി നിര്‍ത്തുമ്പോള്‍ ഇന്ത്യ 39.2 ഓവറില്‍ മൂന്ന് വിക്കറ്റ് നഷ്ടത്തില്‍ 199 റണ്‍സെന്ന നിലയില്‍. നായകന്‍ വിരാട് കോഹ്‌ലി 32 റണ്‍സുമായും എം.എസ് ധോണി ഒന്‍പത് റണ്‍സുമായും ക്രീസില്‍.
ടോസ് നേടി വിന്‍ഡീസ് ബൗളിങ് തിരഞ്ഞെടുക്കുകയായിരുന്നു. രോഹിതിന്റെ അഭാവത്തില്‍ രഹാനെയാണ് ധവാനൊപ്പം ഇന്നിങ്‌സ് ഓപണ്‍ ചെയ്തത്. ഇരുവരും ചേര്‍ന്ന് മികച്ച തുടക്കമാണ് ഇന്ത്യക്ക് നല്‍കിയത്. ഒന്നാം വിക്കറ്റില്‍ 132 റണ്‍സിന്റെ സെഞ്ച്വറി കൂട്ടുകെട്ട് ഇരുവരും പടുത്തുയര്‍ത്തി. രഹാനെ 62 റണ്‍സില്‍ പുറത്തായപ്പോള്‍ ധവാന്‍ 87 റണ്‍സെടുത്തു. അര്‍ഹിച്ച സെഞ്ച്വറിയാണ് ധവാന് നഷ്ടമായത്. 92 പന്തില്‍ എട്ട് ഫോറും രണ്ട് സിക്‌സും പറത്തിയാണ് ധവാന്‍ അര്‍ധ ശതകം സ്വന്തമാക്കിയത്. പിന്നാലെയെത്തിയ വെറ്ററന്‍ യുവരാജ് സിങ് നാല് റണ്‍സില്‍ മടങ്ങി. കോഹ്‌ലിക്ക് കൂട്ടായി ധോണി ക്രീസിലെത്തിയപ്പോഴാണ് പിന്നാലെ മഴ വില്ലനായത്. വിന്‍ഡീസിനായി ഹോള്‍ഡര്‍, ജോസഫ്, ബിഷൂ എന്നിവര്‍ ഓരോ വിക്കറ്റ് വീഴ്ത്തി.