കൊല്ലം: പത്തനാപുരത്ത് സ്ത്രീധനത്തിന്റെ പേരില്‍ യുവതിയുടെ ദേഹത്ത് ആസിഡ് ഒഴിച്ച സംഭവത്തില്‍ പ്രതി ചേര്‍ത്ത ഭര്‍ത്താവിനെതിരേ സ്വീകരിച്ച നടപടികളുടെ റിപ്പോര്‍ട്ട് സമര്‍പ്പിക്കണമെന്ന് കേരളാ വനിതാ കമ്മിഷന്‍ ആലപ്പുഴ എസ്.പിയോട് ആവശ്യപ്പെട്ടു. സംഭവത്തെ തുടര്‍ന്ന് പിറവന്തൂര്‍ സ്വദേശിയായ യുവതിയുടെ വീട്ടിലെത്തി കമ്മിഷനംഗം അഡ്വ. എം.എസ് താര വിശദാംശങ്ങള്‍ ആരാഞ്ഞിരുന്നു.
കാരയ്ക്കാട് സ്വദേശി ബിനുകുമാറാണ് യുവതിയുടെ ഭര്‍ത്താവ്. ഭര്‍തൃഗൃഹത്തില്‍ വച്ച് ഈ മാസം അഞ്ചിനാണ് യുവതിക്ക് പൊള്ളലേറ്റതെങ്കിലും യുവതി പുനലൂര്‍ താലൂക്ക് ആശുപത്രിയില്‍ കഴിഞ്ഞയാഴ്ച ചികിത്സ തേടിയതോടെയാണ് പുറത്തറിഞ്ഞത്.