കോഴിക്കോട് : ബന്ധു നിയമനവുമായി ബന്ധപ്പെട്ടു ഉയര്‍ന്നു വന്ന രാഷ്ട്രീയ ആരോപണങ്ങള്‍ക്ക് മറുപടിയില്ലാതെ മന്ത്രി ജലീല്‍. കഴിഞ്ഞ ദിവസം മലപ്പുറത്ത് നടന്ന എല്‍.ഡി.എഫ് വിശദീകരണ യോഗത്തില്‍ ജലീല്‍ നടത്തിയ പ്രഭാഷണം അസംബന്ധം നിറഞ്ഞതും അമാന്യവുമായിരുന്നു. സമസ്ത ജനറല്‍ സെക്രട്ടറിയായ പ്രെഫ.കെ ആലിക്കുട്ടി മുസ്‌ലിയാരെ വരെ അവഹേളിക്കുന്ന വിധത്തിലായിരുന്നു പ്രഭാഷണം.

രാഷ്ടീയമായി മറുപടിയില്ലാതായപ്പോള്‍ പിന്നെ മതത്തേയും മതാചാരങ്ങളേയും തളളി പറഞ്ഞ് അണികളുടെ കയ്യടി നേടാനായിരുന്നു ശ്രമം. തന്റെ കപട മുഖം വെളളിപ്പെട്ടതിലെ വെപ്രാളമാണ് ജലീല്‍ പ്രകടിപ്പിച്ചതെന്നാണ് രാഷ്ടീയ വിലയിരുത്തല്‍.

താന്‍ നിയമിച്ച ബന്ധു രാജി വച്ചു പോയിട്ടും നിയമനത്തെ ന്യായീകരിക്കുകയാണ് ജലീല്‍. ജ ലിലിനെ നീക്കാന്‍ സി.പി.എം ആലോചിച്ചപ്പോള്‍ കാന്തപുരം എ.പി അബൂബക്കര്‍ മുസ്‌ലിയാരെ ഉപയോഗിച്ചു സി.പി.എമ്മിനെ സമ്മര്‍ദ്ദത്തിലാക്കുകയായിരുന്നു ജലീല്‍ ചെയ്തത്.