ചവറ: ടാങ്കര്‍ ലോറിയില്‍ ശൗചാലയ മാലിന്യം തള്ളാനെത്തിയ യുവാവിനെ പൊലിസ് പിടികൂടി. കരുനാഗപ്പള്ളി തൊടിയൂര്‍ മുഴങ്ങോടിയില്‍ സാദിഖിനെ (35) യാണ് ചവറ പൊലിസ് പിടികൂടിയത്. ഇന്നലെ പുലര്‍ച്ചെ വാഹന പരിശോധനക്കിടയില്‍ പന്മനക്ക് സമീപത്ത് വച്ചായിരുന്നു പിടികൂടിയത്. ചവറയുടെ വിവിധ പ്രദേശങ്ങളില്‍ ഇത്തരത്തില്‍ മാലിന്യം തള്ളുന്നതായി നിരന്തരം പരാതി വന്നതിനെ തുടര്‍ന്ന് എസ്.ഐ സുകേഷ്, എ.എസ്.ഐ അജയകുമാര്‍ എന്നിവരടങ്ങുന്ന സംഘം വാഹവും കസ്റ്റഡിയിലെടുത്തു. ലോറിയുടെ പെര്‍മിറ്റ് ഇല്ലാതാക്കാനുളള എല്ലാ രേഖകളും പൊലിസ് ആര്‍.ടി.ഒയുടെ ഓഫീസിന് കൈമാറിയതായി പൊലിസ് അറിയിച്ചു.