തിരുവനന്തപുരം: ഡ്രൈവര്‍മാരുടെ കുറവ് മൂലം കെ.എസ്.ആര്‍.ടി.സിയില്‍ പ്രതിദിനം ശരാശരി 355 ഷെഡ്യൂളുകള്‍ താല്‍കാലികമായി റദ്ദ് ചെയ്തിട്ടുണ്ടെന്ന് മന്ത്രി എ.കെ ശശീന്ദ്രന്‍ നിയമസഭയില്‍ അറിയിച്ചു. യാത്രക്കാര്‍ കുറവുള്ളതും താരതമ്യേന വരുമാനം കുറവുള്ള ഷെഡ്യൂളുകളും ട്രിപ്പുകളുമാണ് റദ്ദ് ചെയ്തത്. ഇതുമൂലം കെ.എസ്.ആര്‍.ടി.സിയുടെ പ്രതിദിന വരുമാനത്തില്‍ കാര്യമായ കുറവ് വന്നിട്ടില്ല.
കെ.എസ്.ആര്‍.ടി.സിയില്‍ ഓരോ വര്‍ഷവും നഷ്ടക്കണക്ക് കൂടി വരുന്നതല്ലാതെ കുറയ്ക്കാന്‍ കഴിഞ്ഞിട്ടില്ല. സാമ്പത്തിക ശേഷി മെച്ചപ്പെട്ടാല്‍ മാത്രമേ ഡിപ്പോകളുടെ നവീകരണം സാധ്യമാവുകയുള്ളൂ. ഇതിന് നേരെ കണ്ണടച്ചിട്ട് കാര്യമില്ല. അഭിമാനിക്കാന്‍ കഴിയുന്ന രീതിയിലല്ല കെ.എസ്.ആര്‍.ടി.സിയുടെ ശുചിമുറികള്‍. ഇതിന്റെയെല്ലാം ഉത്തരവാദിത്തം വേണമെങ്കില്‍ ഏറ്റെടുക്കാമെന്നും മന്ത്രി ശശീന്ദ്രന്‍ പറഞ്ഞു.