അന്തിക്കാട്: ഏനാമാക്കല്‍ വഞ്ചികടവിനു സമീപം പ്രധാന കോള്‍ ചാലില്‍ കുളവാഴ നിറഞ്ഞത് കര്‍ഷകര്‍ക്കും നാട്ടുകാര്‍ക്കും ദുരിതമായി. കര്‍ഷകര്‍ക്ക് വെള്ളമെടുക്കാനും മറ്റുമായി ചാലിലേക്ക് ഇറങ്ങാന്‍ കഴിയാത്ത അവസ്ഥയാണ്. പ്രദേശമാകെ ഇഴജന്തുക്കളുടെ വിഹാരകേന്ദ്രമായതോടെ സമീപത്തെ വീട്ടുകാരും ഏറെ ഭീഷണിയിലാണ്. ചാലിലൂടെയുള്ള നീരൊഴുക്ക് ഗണ്യമായി കുറഞ്ഞു. ഇറിഗേഷന്‍ വകുപ്പാണ് ചാലില്‍ നിന്ന് കുളവാഴ നീക്കേണ്ടത്. ഇവരുടെ അനാസ്ഥയാണ് പ്രശ്‌നത്തിനു കാരണമെന്ന് വ്യാപകമായ പരാതി ഉയര്‍ന്നിട്ടുണ്ട്. കര്‍ഷകര്‍ക്കും നാട്ടുകാര്‍ക്കും ഭീഷണിയായ കുളവാഴ ചാലില്‍ നിന്ന് നീക്കം ചെയ്യാന്‍ അധികൃതര്‍ ഉടന്‍ നടപടി സ്വീകരിക്കണമെന്ന ആവശ്യം ശക്തമായിട്ടുണ്ട്.