തൊടുപുഴ: നടന്‍ ദിലീപിന്റെ ഉടമസ്ഥതയിലുള്ള വെള്ളിയാമറ്റത്തെ ഭൂമി തൊടുപുഴ തഹസില്‍ദാരുടെ നേതൃത്വത്തിലുള്ള റവന്യൂ സംഘം പരിശോധിച്ചു.
ഇന്നലെ വൈകിട്ട് അഞ്ചോടെ തൊടുപുഴ തഹസില്‍ദാര്‍ ഷൈജു ജേക്കബിന്റെ നേതൃത്വത്തിലുള്ള സംഘമാണ് പരിശോധന നടത്തിയത്. പരിശോധനയില്‍ 984, 1168 എന്നീ സര്‍വേ നമ്പറുകളിലായി നാലേക്കര്‍ ഇരുപത്തിയാറു സെന്റ് സ്ഥലം ദിലീപിന്റെ പേരില്‍ ഉള്ളതായി കണ്ടെത്തി. ജില്ലാ കലക്ടറുടെ നിര്‍ദേശപ്രകാരമാണ് പരിശോധന നടത്തിയത്. സ്ഥലത്തിന് കൃത്യമായ രേഖകളുണ്ടെന്ന് തഹസില്‍ദാര്‍ പറഞ്ഞു.