റിയോ ഡി ജനീറോ: റിയോ ഒളിംപിക്‌സില്‍ ചരിത്രം കുറിച്ച് ഇന്ത്യയുടെ ദീപാ കര്‍മാകര്‍. ആര്‍ടിസ്റ്റിക്‌സ് ജിംനാസ്റ്റിക്‌സില്‍ എട്ടാമതായി ഫിനിഷ് ചെയ്താണ് ദീപ ഫൈനലിലേക്ക് യോഗ്യത നേടിയത്. ഈ വിഭാഗത്തില്‍ ഒളിംപിക് ഫൈനലിലെത്തുന്ന ആദ്യ വനിതാ താരണാണ് ദീപ. 1964ല്‍ പുരുഷ വിഭാഗത്തിലാണ് ഇന്ത്യ അവസാനമായി യോഗ്യത നേടിയത്.

വോള്‍ട്ട് വിഭാഗത്തിലാണ് ദീപയുടെ ചരിത്രനേട്ടം. ആഗസ്ത് 14നാണ് ദീപയുടെ ഫൈനല്‍. 52 വര്‍ഷങ്ങള്‍ക്കുശേഷമാണ് ജിംനാസ്റ്റിക്‌സില്‍ ഒരു ഇന്ത്യന്‍ താരം യോഗ്യത നേടുന്നത്. ഒളിംപിക്‌സ് യോഗ്യത നേടുന്ന ആദ്യ ഇന്ത്യന്‍ വനിതയുമാണ് ദീപ കര്‍മാകര്‍.