ചേലേമ്പ്ര: പണ്ഡിതന്മാര്‍ സമൂഹത്തിന് കാവലാളാകണമെന്ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ പറഞ്ഞു. മന്‍ഹജ് റശാദ് ഇസ്‌ലാമിക് കോളജിന്റെ പതിനഞ്ചാം വാര്‍ഷിക സമ്മേളന മന്‍ഹജ് ഇന്നവേഷന്റെ സമാപന സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. മത ഭൗതിക സമന്വയ വിദ്യാഭ്യാസമാണ് കാലത്തിനാവശ്യമെന്നും സമൂഹത്തിലെ ജീര്‍ണതകളെ തടുക്കാന്‍ പണ്ഡിതര്‍ തയാറാകണമെന്നും അദ്ദേഹം കൂട്ടിചേര്‍ത്തു.
ദാറുല്‍ ഹുദാ വി.സി ബഹാഉദ്ദീന്‍ മുഹമ്മദ് നദ്‌വി മുഖ്യപ്രഭാഷണം നടത്തി. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ അനുഗ്രഹ ഭാഷണം നടത്തി.
കാംപസില്‍ നിന്നും ഡിഗ്രി പൂര്‍ത്തീകരിച്ച 51 യുവ പണ്ഡിതര്‍ക്ക് സയ്യിദ് ഹൈദരലി ശിഹാബ് തങ്ങളും മന്‍ഹജ് സ്ഥാപകന്‍ ഹാജി കെ. അബ്ദുല്‍ ഖാദിര്‍ മുസ്‌ലിയാരും ഉപഹാരം സമര്‍പ്പിച്ചു.
ആനമങ്ങാട് മുഹമ്മദ് കുട്ടി ഫൈസി പ്രഭാഷണം നടത്തി. കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍, ചെമ്മുക്കന്‍ കുഞ്ഞാപ്പു ഹാജി, യു. ശാഫി ഹാജി, എം.എ ചേളാരി, എം.കെ മുജീബ് റഹ്മാന്‍, ആസിഫ് പട്ടാക്കര, സൈതലവി ഹാജി, വി. ഗഫൂര്‍ മാസ്റ്റര്‍, അബ്ദുല്‍ ലതീഫ് ദാരിമി, എ.കെ അബ്ദുറഹ്മാന്‍ സംസാരിച്ചു.