അരീക്കോട്: ഊര്‍ങ്ങാട്ടിരി പഞ്ചായത്തും മൂര്‍ക്കനാട് സുബുലുസ്സലാം ഹയര്‍സെക്കന്‍ഡറി സ്‌കൂള്‍ എന്‍.എസ്.എസ് യൂനിറ്റും സംയുക്തമായി ഭിന്നശേഷിക്കാരെ തിരിച്ചറിയുന്നതിനുള്ള രണ്ടാംഘട്ട പരിശീലനം സംഘടിപ്പിച്ചു. ഭിന്നശേഷിക്കായി നടത്തുന്ന എംപ്ലോയ്‌മെന്റ് രജിസ്‌ട്രേഷന്‍ ക്യാംപിന്റെ മുന്നോടിയായാണ് പരിശീലനം. ന

കാവനൂര്‍ കമ്മ്യൂനിറ്റി ഹാളില്‍ നടന്ന പരിശീലന ക്ലാസില്‍ കാവനൂര്‍, കുഴിമണ്ണ, പുല്‍പ്പറ്റ പഞ്ചായത്തുകളിലെ അങ്കണവാടി ജീവനക്കാര്‍ പങ്കെടുത്തു. ഊര്‍ങ്ങാട്ടിരി പഞ്ചായത്ത് പ്രസിഡന്റ് എന്‍.കെ ഷൗക്കത്തലി ഉദ്ഘാടനം ചെയ്തു. പുല്‍പ്പറ്റ പഞ്ചായത്ത് പ്രസിഡന്റ് സി.എച്ച് സൈനബ അധ്യക്ഷയായി. കാവനൂര്‍ പഞ്ചായത്ത് പ്രസിഡന്റ് കെ.വിദ്യാവതി, വൈസ് പ്രസിഡന്റ് കെ.അഹമ്മദ് ഹാജി, കാവനൂര്‍, കുഴിമണ്ണ, പുല്‍പ്പറ്റ പഞ്ചായത്തുകളിലെ ക്ഷേമ ആരോഗ്യ സ്ഥിരംസമിതി അധ്യക്ഷര്‍, പരിവാര്‍ ബ്ബോക്ക് പ്രസിഡന്റ് എം.സി ബാവ, കൗസല്യ, പ്രിന്‍സിപ്പല്‍ എം. സവാദ്, എച്ച്.എം ലിജിന്‍, എം. കൃഷ്ണനുണ്ണി, വിദ്യര്‍ഥികളായ സി.ഫാഹിസ്, കെ.സബീഹ്, എം.മുഹമ്മദ് സാബിത്ത്, മാധവ് തുടങ്ങിയവര്‍ സംബന്ധിച്ചു.