ന്യൂഡൽഹി: നീറ്റ് പരീക്ഷാ വിവാദങ്ങൾക്ക് പിന്നാലെ യുജിസി നെറ്റ് പരീക്ഷയിലും ചോദ്യപ്പേപ്പർ ചോർന്നതായി ഗുരുതര ആരോപണം. ജൂൺ 30-ന് നടന്ന സോഷ്യോളജി പരീക്ഷയുടെ ചോദ്യപ്പേപ്പറാണ് ചോർന്നതായി പരാതി ഉയർന്നത്. പരീക്ഷയ്ക്ക് മുൻപ് തന്നെ സോഷ്യൽ മീഡിയയിൽ പിഡിഎഫ് രൂപത്തിൽ പ്രചരിച്ച ചോദ്യപ്പേപ്പറിലെ 90-ഓളം ചോദ്യങ്ങൾ പരീക്ഷയ്ക്ക് അതേപടി ആവർത്തിച്ചെന്നാണ് വിദ്യാർഥികൾ പറയുന്നത്. ഡൽഹി, ഹരിയാന, ഉത്തർപ്രദേശ് തുടങ്ങിയ സംസ്ഥാനങ്ങളിൽ ലക്ഷക്കണക്കിന് രൂപയ്ക്കാണ് ചോദ്യപ്പേപ്പറുകൾ വിറ്റഴിഞ്ഞതെന്നാണ് റിപ്പോർട്ടുകൾ.

ALSO READ: ‘ചോദ്യപേപ്പർ വിറ്റത് 2.25 ലക്ഷത്തിന്’; നെറ്റ് പരീക്ഷാ വിവാദത്തിൽ കേന്ദ്ര സർക്കാരിനെതിരേ ആഞ്ഞടിച്ച് രാഹുൽ ഗാന്ധി 

തുടർച്ചയായുണ്ടാകുന്ന പരീക്ഷാ ക്രമക്കേടുകൾ വിദ്യാർഥികളിലും ഉദ്യോഗാർഥികളിലും വലിയ ആശങ്ക സൃഷ്ടിച്ചിട്ടുണ്ട്. മുൻപും ഈ പരീക്ഷയിലെ ചോദ്യങ്ങളിലെ തെറ്റുകളും പ്രമുഖ സോഷ്യോളജി ചിന്തകരുടെ പേരുകളിലെ അക്ഷരത്തെറ്റുകളും വലിയ രീതിയിൽ ചർച്ചയായിരുന്നു.

എന്നാൽ ചോദ്യപ്പേപ്പർ ചോർന്നിട്ടില്ലെന്ന് നാഷണൽ ടെസ്റ്റിംഗ് ഏജൻസി (എൻടിഎ) ഔദ്യോഗികമായി വ്യക്തമാക്കി. പരീക്ഷ കഴിഞ്ഞ് ആറ് ദിവസത്തിന് ശേഷമാണ് സോഷ്യൽ മീഡിയയിൽ ചോദ്യപ്പേപ്പറിന്റെ പിഡിഎഫ് പ്രചരിച്ചതെന്നാണ് എൻടിഎയുടെ വാദം.

അതേസമയം, വിഷയത്തിൽ കേന്ദ്ര സർക്കാരിനെതിരെ രൂക്ഷവിമർശനവുമായി ലോക്‌സഭാ പ്രതിപക്ഷ നേതാവ് രാഹുൽ ഗാന്ധി രംഗത്തെത്തി. മോദി സർക്കാർ വിദ്യാർഥികളുടെ കഠിനാധ്വാനത്തിന് യാതൊരു വിലയും കൽപ്പിക്കുന്നില്ലെന്നും പരീക്ഷാ നടപടികളിൽ സുതാര്യത ഉറപ്പാക്കാൻ കേന്ദ്രത്തിന് കഴിയുന്നില്ലെന്നും അദ്ദേഹം കുറ്റപ്പെടുത്തി.

The UGC NET exam has been hit by controversy following allegations of a question paper leak, with reports suggesting a mafia siphoned off lakhs of rupees. However, the National Testing Agency (NTA) has denied all the allegations.