തൃശൂര്‍: നടി മഞ്ജു വാര്യരുടെ പരാതിയില്‍ സംവിധായകന്‍ വി.എ. ശ്രീകുമാറിനെ ചോദ്യം ചെയ്തു. തുടര്‍ന്ന് അറസ്റ്റ് രേഖപ്പെടുത്തി ഉപാധികളോടെ രïാളുടെ ജാമ്യത്തില്‍ വിട്ടു. തൃശൂര്‍ പൊലിസ് ക്ലബില്‍ വച്ചാണ് ചോദ്യം ചെയ്തത്. നേരത്തെ കമ്മിഷണറുടെ ഓഫിസില്‍ വച്ചായിരിക്കും ചോദ്യം ചെയ്യല്‍ എന്നാണ് അറിയിച്ചിരുന്നത്.
എന്നാല്‍ പിന്നീട് പൊലിസ് ക്ലബിലേക്ക് മാറ്റുകയായിരുന്നു. അന്വേഷണ ഉദ്യോഗസ്ഥനായ എ.സി.പി ശ്രീനിവാസന്റെ നേതൃത്വത്തിലായിരുന്നു ചോദ്യം ചെയ്യല്‍. നേരത്തെ മഞ്ജു വാര്യരുടെ മൊഴിയെടുക്കുകയും വി.എ ശ്രീകുമാറിന്റെ പാലക്കാടുള്ള വീട്ടില്‍ റെയ്ഡ് ഉള്‍പ്പെടെയുള്ള നടപടിക്രമങ്ങള്‍ പൊലിസ് സ്വീകരിച്ചിരുന്നു.