മലപ്പുറം: മുടിക്കോട് പള്ളി ഇമാമിനെ മര്‍ദിച്ച കേസില്‍ പ്രതികളില്‍ രണ്ടുപേരെ പൊലിസ് കസ്റ്റഡിയിലെടുത്തു. അന്വേഷണ ചുമതലയുള്ള പെരിന്തല്‍മണ്ണ സി.ഐ ടി.എസ് ബിനുവാണ് പ്രതികളെ പിടികൂടിയത്. മറ്റു പ്രതികളും ഉടന്‍ പിടിയിലാകുമെന്നു പൊലിസ് പറഞ്ഞു.
സംഭവത്തില്‍ തുടര്‍കാര്യങ്ങള്‍ ചര്‍ച്ചചെയ്യുന്നതിനു സമസ്ത ലീഗല്‍ സെല്‍ ഇന്നു രാവിലെ പത്തിനു മലപ്പുറം സുന്നീമഹലില്‍ യോഗം ചേരും. സമസ്ത നേതാക്കളും മുടിക്കോട് മഹല്ല് ഭാരവാഹികളും സംബന്ധിക്കും.